കൊച്ചി: ഇൻഷുറൻസ് പരിരക്ഷ കൂടുതൽ ആളുകളിലേക്ക് വ്യാപിപ്പിക്കാൻ ലക്ഷ്യമിട്ട് പ്രമുഖ ജനറൽ ഇൻഷുറൻസ് കമ്പനിയായ ശ്രീറാം ജനറൽ ഇൻഷുറൻസും 31 വർഷത്തെ പ്രവർത്തന പാരമ്പര്യമുള്ള രാജ്യത്തെ മുൻനിര എൻ.ബി.എഫ്.സിയായ എസ്.കെ ഫിനാൻസ് ലിമിറ്റഡും കൈകോർക്കുന്നു. ഈ പങ്കാളിത്തത്തിന്റെ ഭാഗമായി, എസ്.കെ. ഫിനാൻസിന്റെ 700-ലധികം വരുന്ന ബ്രാഞ്ചുകൾ വഴിയും മറ്റ് ഔദ്യോഗിക വിതരണ ചാനലുകൾ വഴിയും ശ്രീറാം ജനറൽ ഇൻഷുറൻസിന്റെ വിവിധ ഉൽപ്പന്നങ്ങൾ ഉപഭോക്താക്കൾക്ക് ലഭ്യമാക്കും.
ഉപഭോക്തൃ സൗഹൃദ സമീപനമാണ് ജനറൽ ഇൻഷുറൻസ് രംഗത്ത് ദീർഘകാല പരിചയസമ്പത്തുള്ള ശ്രീറാം ജനറൽ ഇൻഷുറൻസിന്റെ കരുത്തെന്ന് കമ്പനി എക്സിക്യൂട്ടീവ് ഡയറക്ടറും സി.എം.ഒ യുമായ അഫ്താബ് അൽവി പറഞ്ഞു. എസ്.കെ. ഫിനാൻസിന്റെ വിപുലമായ ശാഖാ ശൃംഖലയിലൂടെ ജനങ്ങളിൽ സാമ്പത്തിക അവബോധം വളർത്താനും ഇൻഷുറൻസ് പരിരക്ഷ കൂടുതൽ കുടുംബങ്ങളിലേക്ക് എത്തിക്കാനും സാധിക്കുമെന്ന് അദ്ദേഹം കൂട്ടിച്ചേർത്തു. വായ്പാ സേവനങ്ങൾക്കൊപ്പം ഉപഭോക്താക്കൾക്ക് ഇൻഷുറൻസ് സുരക്ഷ കൂടി ഉറപ്പാക്കാൻ ഈ പങ്കാളിത്തം വഴിയൊരുക്കുമെന്ന് എസ്.കെ. ഫിനാൻസ് ലിമിറ്റഡ് മാനേജിങ് ഡയറക്ടറും സി.ഇ.ഒയുമായ രാജേന്ദ്ര കുമാർ സേത്യ വ്യക്തമാക്കി.
Photo Caption: പുതിയ പങ്കാളിത്തം പ്രഖ്യാപിക്കുന്ന ചടങ്ങിൽ ശ്രീറാം ജനറൽ ഇൻഷുറൻസ് എക്സിക്യൂട്ടീവ് ഡയറക്ടറും സി.എം.ഒ-യുമായ അഫ്താബ് അൽവി, എസ്.കെ. ഫിനാൻസ് ലിമിറ്റഡ് മാനേജിങ് ഡയറക്ടറും സി.ഇ.ഒ-യുമായ രാജേന്ദ്ര കുമാർ സേത്യ എന്നിവർ.
