ബഹു പൊതുവിദ്യാഭ്യാസ-ന്യൂനപക്ഷക്ഷേമ-വഖഫ് വകുപ്പ് മന്ത്രിയുടെ ഓഫീസ്
വാർത്താക്കുറിപ്പ്. 17.09.2026
പൊതുവിദ്യാഭ്യാസ വകുപ്പിൽ ചരിത്ര നേട്ടവുമായി സർക്കാർ
സംസ്ഥാനത്ത് ഇനി ഏകാധ്യാപക
വിദ്യാലയങ്ങളില്ല.
തിരുവനന്തപുരം: സംസ്ഥാന സർക്കാരിന്റെ 100 ദിന കർമ്മ പരിപാടിയുടെ ഭാഗമായി
പൊതുവിദ്യാഭ്യാസ വകുപ്പ് മന്ത്രി എൻ. ഷംസുദ്ദീന്റെ നിർദ്ദേശ പ്രകാരം സംസ്ഥാനത്ത് പ്രവർത്തിച്ചിരുന്ന എട്ട് ഏകാധ്യാപക
വിദ്യാലയങ്ങളെ എൽ.പി. സ്കൂളുകളായി ഉയർത്തി സംസ്ഥാന സർക്കാർ ഉത്തരവിറക്കി.
മലപ്പുറം കിഴിശ്ശേരി ഉപജില്ലയിലെ മേൽമുറി എം.ജി.എൽ.സി, അരീക്കോട് ഉപജില്ലയിലെ അരിമംഗലം എം.ജി.എൽ.സി, താനൂർ
ഉപജില്ലയിലെ കാളംതുരുത്തി എം.ജി.എൽ.സി, വണ്ടൂർ ഉപജില്ലയിലെ അരിമണൽ എം.ജി.എൽ.സി, മഞ്ചേരി ഉപജില്ലയിലെ തരികുളം
എം.ജി.എൽ.സി, കാസർഗോഡ് ഉപജില്ലയിലെ ആലൂർ എം.ജി.എൽ.സി, ഇടുക്കി അടിമാലി
ഉപജില്ലയിലെ കുറത്തിക്കുടി എം.ജി.എൽ.സി, കണ്ണൂർ ഇരിക്കൂർ ഉപജില്ലയിലെ കാലാങ്കി എം.ജി.എൽ.സി എന്നീ ഏകാധ്യാപക
വിദ്യാലയങ്ങളാണ് എൽ പി സ്കൂളുകളായി ഉയർത്തുന്നത്. സംസ്ഥാനതല ഉദ്ഘാടനം മലപ്പുറം കിഴിശ്ശേരി ഉപജില്ലയിലെ മേൽമുറി എം.ജി.എൽ.സിൽ വെച്ച് ഒക്ടോബർ 2 ന് രാവിലെ 10 മണിക്ക് പൊതു വിദ്യാഭ്യാസ വകുപ്പ് മന്ത്രി എൻ. ഷംസുദ്ദീൻ നിർവ്വഹിക്കും.
പൊതുമരാമത്ത് വകുപ്പ് മന്ത്രി പി.കെ. ബഷീര് അദ്ധ്യക്ഷത വഹിക്കും.
സംസ്ഥാന സർക്കാരിന്റെ 100 ദിന കർമ്മപരിപാടിയിൽ ഉൾപ്പെടുത്തി ഏകാധ്യാപക വിദ്യാലയങ്ങളുടെ നവീകരണം-ആദിവാസി
ഗോത്രവിഭാഗങ്ങൾ, തീരദേശ മേഖല എന്നിവിടങ്ങളിൽ സാമ്പത്തികമായും, സാമൂഹികമായും പിന്നോക്കം നിൽക്കുന്ന ഒറ്റപ്പെട് വിദ്യാർത്ഥികൾക്ക് പഠനം ഉറപ്പുവരുത്തുന്നതിനായി 1997-ൽ ആരംഭിച്ച് തുടർന്ന് വരുന്നതായിരുന്നു ഏകാധ്യാപക
വിദ്യാലയങ്ങൾ. ഈ വിദ്യാലയങ്ങളിൽ മികച്ച അടിസ്ഥാന സൗകര്യം ഒരുക്കി മറ്റ് വിദ്യാലയങ്ങളെ പോലെ കാലാനുസൃതമായ വികസനം കൊണ്ടു വരാൻ പൊതു വിദ്യാഭ്യാസ വകുപ്പ് മന്ത്രി നിർദ്ദേശിച്ചതിനെ തുടർന്നാണ് നടപടി.
SAJAN.S
Public Relations Officer
Minister’s office – General Education & Minority Welfare
Government of Kerala
