ശ്രീശങ്കരാചാര്യ സംസ്കൃത സർവകലാശാലയിൽ സംസ്കൃതദിനാചരണത്തോടനുബന്ധിച്ചുള്ള പരിപാടികളുടെ സമാപനം ഒക്ടോബർ ആറ്, ഏഴ് തീയതികളിലായി കാലടി മുഖ്യ കേന്ദ്രത്തിൽ നടക്കുമെന്ന് സർവകലാശാല അറിയിച്ചു. ഒക്ടോബർ ആറിന് വിവിധ മത്സരങ്ങളും വാക്യാർത്ഥ സദസ്സും നടക്കും. ഏഴിന് സമാപന സമ്മേളനത്തിൽ സംസ്കൃതം, ആയുർവേദം, കല എന്നീ മേഖലകളിൽ സ്തുത്യർഹമായ സംഭാവനകൾ നൽകിയ വിശിഷ്ടവ്യക്തികളെ ആദരിക്കും. സംസ്കൃത രംഗത്തെ സമഗ്ര സംഭാവനകൾ പരിഗണിച്ച് ഡോ. ജി. ഗംഗാധരൻ നായർ, ആയുർവേദ പഠന, ഗവേഷണ മേഖലയിലെ സംഭാവനകൾ പരിഗണിച്ച് ഡോ. കെ. മുരളി, കൂടിയാട്ട മേഖലയിലെ സംഭാവനകൾ മുൻനിർത്തി ഉഷ നങ്ങ്യാർ എന്നിവരെയാണ് സർവകലാശാല ആദരിക്കുന്നത്. വൈദ്യഭൂഷണം കെ. രാഘവൻ തിരുമുൽപാടിന്റെ ശേഖരത്തിലുള്ള താളിയോലകൾ ഡോ. കെ. മുരളി സംസ്കൃത സർവകലാശാലയ്ക്ക് കൈമാറും.
സമാപന സമ്മേളനം വൈസ് ചാൻസലർ പ്രൊഫ. സിസ തോമസ് ഉദ്ഘാടനം ചെയ്യും. ഉജ്ജയിനിയിലെ മഹർഷി പാണിനി സംസ്കൃത് ഏവം വേദിക് സർവകലാശാല മുൻ വൈസ് ചാൻസലർ ഡോ. സി. ജി. വിജയകുമാർ മുഖ്യപ്രഭാഷണം നിർവ്വഹിക്കും. സംസ്കൃതദിനത്തോടനുബന്ധിച്ച് നടന്ന വിവിധ മത്സരങ്ങളിൽ വിജയികളായവർക്കുള്ള സമ്മാനദാനവും നടക്കും.
2. സംസ്കൃത സർവകലാശാലയിൽ യു ജി സി നെറ്റ് ഓൺലൈൻ പരീക്ഷ പരീശീലനം
ശ്രീശങ്കരാചാര്യ സംസ്കൃത സർവകലാശാലയുടെ കാലടി മുഖ്യകാമ്പസിൽ പ്രവ‍ർത്തിക്കുന്ന യൂണിവേഴ്സിറ്റി എംപ്ലോയ്മെന്റ് ഇൻഫ‍മേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ സംഘടിപ്പിക്കുന്ന നാല്പത് ദിവസത്തെ യു ജി സി നെറ്റ് ഓൺലൈൻ പരീക്ഷാ പരിശീലനം ഒക്ടോബറിൽ ആരംഭിക്കും. പരിശീലനത്തിൽ പങ്കെടുക്കുവാൻ ആഗ്രഹിക്കുന്നവർ താഴെപ്പറയുന്ന ഫോൺ നമ്പരുകളിൽ ബന്ധപ്പെടുക. 0484-2464498, 9496108097, 9895267048.
ജലീഷ് പീറ്റര്‍
പബ്ലിക് റിലേഷന്‍സ് ഓഫീസര്‍
ഫോണ്‍ നം. 9447123075
—
