മിഷന്‍ സമുദ്ര ഈ സര്‍ക്കാരിന്റെ സ്വപ്ന പദ്ധതിയാണ്. കടല്‍ നമുക്ക് അതിര് മാത്രമല്ല, ഭാവിയിലേക്കുള്ള ഗേറ്റ്്വേ കൂടിയാണ്. ചരിത്രത്തിലേക്കും ഭാവിയിലേക്കും ഒരുമിച്ചുള്ള കവാടമാണ് കടല്‍. എന്തു കൊണ്ടാണ് ഈ സര്‍ക്കാര്‍ അധികാരത്തില്‍ വരുന്നതിന് മുന്‍പ് തന്നെ ഈ മിഷന്‍ സമുദ്ര ഒരു സ്്്വപ്ന പദ്ധതിയായി പ്രഖ്യാപിച്ചത്. നമുക്ക് കേരളത്തിന്റെ ഭാവിയെക്കുറിച്ച് വിലയിരുത്തുമ്പേള്‍ രണ്ട് കാര്യങ്ങളാണ് നമ്മള്‍ പരിശോധിക്കേണ്ടത്. ഒന്ന്് കേരളത്തിന്റെ അഡ്വാന്റേജസ്. അടുത്തത് കേരളത്തിന്റെ ഡിസഡ്വാന്റേജസ്. നമ്മുടെ ഡിസഡ്വാന്റേജ് എന്താണ്? ഒന്ന്, കിഴക്ക് മുഴുവന്‍ ഫോറസ്റ്റാണ്, ഫോറസ്്റ്റ്് ആ്ക്ടിന്റെ പരിധിയിലാണ്. ഇടയ്ക്ക് പാഡി ലാന്റിന്റെ നിയന്ത്രണങ്ങള്‍. പടിഞ്ഞാറോട്ട് പോയാല്‍ സി. ആര്‍. ഇസഡിന്റെ നിയന്ത്രണ നിയമങ്ങള്‍. Most of the lands are restricted with strict law. ഭൂമിയില്ല. നമ്മുടെ ജനസാന്ദ്രത വളരെ കൂടുതലാണ്. പല വ്യവസായങ്ങളും സംരംഭങ്ങളും അയല്‍ സംസസ്ഥാനങ്ങള്‍ ചെയ്യുന്നതു പോലെ ചെയ്യാന്‍ നമുക്ക് പരിമിതികളുണ്ട്. അപ്പോള്‍ നമ്മുടെ സാധ്യതകള്‍ എന്താണ്? നമ്മുടെ അഡ്വാന്റേജസ് എന്താണ്?
600 കിലോമീറ്ററോളമുള്ള കടല്‍ തീരമാണ് നമുക്കുള്ളത്. അത് മാത്രമല്ല രണ്ട് അന്താരാഷ്ട്ര തുറമുഖങ്ങള്‍, ഒരു കണ്ടെയ്നല്‍ ടെര്‍മിനല്‍, 18 മിനി തുറമുഖങ്ങള്‍ എന്നിവയും കേരളത്തിലുണ്ട്. ഈ തുറമുഖങ്ങളെയെല്ലാം ഇന്റഗ്രേറ്റ് ചെയ്ത് കേരളത്തെ ഒരു തുറമുഖ നഗരമാക്കി മാറ്റുക എന്നതാണ് സ്വപ്നം. നമ്മുടെ ലോകത്ത് പല തുറമുഖ നഗരങ്ങളുമുണ്ട്. ഞാന്‍ ഇരുപത് വര്‍ഷം മുന്‍പ് സിംഗപ്പൂര്‍ സന്ദര്‍ശിച്ചതാണ്. പോര്‍ട്ട് സിറ്റിയാണ് സിംഗപ്പൂര്‍. അതിനേക്കാള്‍ എത്രയോ മനോഹരമായ സ്ഥലമാണ് കേരളം. സിയാറ്റില്‍ അമേരിക്കയിലെ പോര്‍ട്ട് സിറ്റിയാണ്. ഞങ്ങള്‍ മാരിടൈം എക്സ്പര്‍ട്ട്സും ഷിപ്പിംഗ് എക്സ്പര്‍ട്ട്സുമായി ഇന്ററാക്ട് ചെയ്തപ്പോള്‍ അവര്‍ പറഞ്ഞു, ലോകത്ത് ഇതു പോലെ തുറമുഖ നഗരമാക്കി മാറ്റാനുള്ള വേറൊരു പ്രദേശമില്ല. എല്ലാ സാധ്യതകളും അനുകൂലമാണ്.
കുറെ പോര്‍ട്ടുകള്‍ ഉണ്ടാകുന്നുവെന്നത് മാത്രമല്ല, ഈ വികസനത്തിന്റെ പ്രധാനപ്പെട്ട കാര്യം. തീരദേശ കപ്പല്‍ ഗാതാഗതം, രണ്ട് രീതിയില്‍ ലോജിസ്റ്റിക്‌സ്. നമ്മുടെ റോഡുകളില്‍ വാഹനങ്ങളുടെ സാന്ദ്രത വളരെ കൂടുതലാണ്. ശരിയായി വിനിയോഗിച്ചാല്‍ അന്‍പത് ശതമാനം വാഹനങ്ങള്‍ നമുക്ക് കടലിലൂടെ കൊണ്ടു പോകാന്‍ കഴിയും. റോഡിലൂടെ കൊണ്ടു പോകുന്നതിന്റെ മൂന്നിലൊന്ന് ചെലവു മതി കടലിലൂടെ കൊണ്ടു പോകാന്‍. പല സ്ഥാപനങ്ങളും മുന്നോട്ട് വന്നിട്ടുണ്ട്. ഓയില്‍, ഗ്യാസ്, അതു പോലെ കെമിക്കല്‍സ്, ഹസാര്‍ഡസ് മെറ്റീരിയല്‍സ്. നമുക്ക് ആദ്യ ഘട്ടത്തില്‍ അതിലൂടെ കൊണ്ടു പോകാം. പോര്‍ട്ടുകളില്‍ സൗകര്യമുണ്ടെങ്കില്‍ അത് മാറ്റാം. സെക്കന്‍ഡ് ഫേസില്‍ നമുക്ക് ക്രൂയിസ് ടെര്‍മിനല്‍ വഴിയാക്കാം. കൊച്ചിയിലും കോഴിക്കോടും രണ്ട് ക്രൂയിസ് ടെര്‍മിനലുകളുണ്ടാകണമെന്നാണ് ഞങ്ങള്‍ ആഗ്രഹിക്കുന്നത്. കൊച്ചിന്‍ പോര്‍ട്ടിന് നമുക്ക് സ്ഥലം വിട്ടു കൊടുക്കാം. കൊച്ചിയില്‍ നിന്നു ദുബായിലേക്കും, കൊച്ചിയില്‍ നിന്നു മാല്‍ഡീവ്സിലേക്കും കൊച്ചിയില്‍ നിന്നു ശ്രീലങ്കയിലേക്കും കൊച്ചിയില്‍ നിന്ന് ഗോവയിലേക്കും കാസര്‍കോട് നിന്ന് തിരുവനന്തപുരത്തേക്കും നമുക്ക് ക്രൂയിസ് ഷിപ്പിംഗ് വെസല്‍സ് തുടങ്ങാന്‍ പറ്റും. പല സ്ഥലത്തേക്കും ക്രൂയിസ് ഷിപ്പിംഗ് വെസല്‍സ് തുടങ്ങാന്‍ പറ്റും. അത് ടൂറിസത്തിന്റെ അനന്തമായ സാധ്യതകളാണ്. സെക്കന്റ് ഫേസില്‍ കേരളത്തിലെ 44 നദികളുമായി അതിനെ ഇന്റഗ്രേറ്റ് ചെയ്യാം. റിവര്‍ ക്രൂയിസ് നമുക്ക് ആരംഭിക്കാന്‍ കഴിയും. ഏറ്റവും വലിയ നദികളിലൂടെ നമുക്ക് അത് ചെയ്യാന്‍ കഴിയും. പരമാവധി ടൂറിസം സാധ്യതകളെ ഉപയോഗപ്പെടുത്താന്‍ ഈ പ്രോജക്ടിന് കഴിയും.
ഈ പ്രോജക്ട് തുറമുഖങ്ങളുടെ മാത്രം പദ്ധതിയല്ല. തീരദേശ കപ്പല്‍ഗതാഗതം, ഉള്‍നാടന്‍ ജലഗതാഗതം, തുറമുഖാധിഷ്ഠിതമായ വ്യവസായങ്ങള്‍, മാരിടൈം ടൂറിസം, കപ്പല്‍ നിര്‍മാണവും അറ്റകുറ്റപ്പണിയും, തീരദേശ ജനതയുടെ ഉപജീവനം എല്ലാം ഇതിലെ പ്രധാന ഘടകങ്ങളാണ്. പോര്‍ട്ടിന് അകത്തല്ല, സര്‍ക്കാരിന്റെ താത്പര്യം പോര്‍ട്ടിന് പുറത്താണ്. പോര്‍ട്ടിന് പുറത്താണ് ഇന്‍കം ജനറേറ്റ് ചെയ്യുന്ന നിരവധി പദ്ധതികള്‍ തുടങ്ങാന്‍ പോകുന്നത്. ഇപ്പോള്‍ വിഴിഞ്ഞം പോര്‍ട്ടില്‍ ഇംപോര്‍ട്ട് എക്സ്പോര്‍ട്ട് ആക്ടിവിറ്റീസ് തുടങ്ങി. തുടങ്ങിക്കഴിഞ്ഞു. അതിനെ നമുക്ക് പരമാവധി പ്രയോജനപ്പെടുത്തണം. അതിന് കണ്ടെയ്നര് സ്റ്റേഷന്‍സ് ഉണ്ടാകണം, വെയര്‍ഹൗസസ് ഉണ്ടാകണം. കേരളത്തിന്റെ സ്പൈസസ്, കാര്‍ഷിക ഉത്പന്നങ്ങള്‍, അതിന്റെ വാല്യു അഡീഷന്‍ നടത്തി നമുക്ക് ഈ പ്രോഡക്ടുകള്‍ എക്സപോര്‍ട്ട് ചെയ്യാന്‍ കഴിയണം. ഇന്നലെ ഇവിടെ അവതരിപ്പിച്ചു, സീഫുഡിന്റെ കാര്യം. കേരളം സീഫുഡ് എക്സ്പോര്‍ട്ടിന്റെ വലിയ കേന്ദ്രമായിരുന്നു, ആലപ്പുഴ അതിന്റെ ഹെഡ്ക്വാര്‍ട്ടേഴ്സ് ആയിരുന്നു. നമ്മുടെ സീഫുഡ് എക്സ്പോര്‍ട്ട് ഗണ്യമായി കുറഞ്ഞു. നമുക്ക് ഫോറിന്‍ എക്സ്ചേഞ്ച് കിട്ടിയിരുന്നതാണ്. പലതും ആന്ധ്രയിലേക്ക് പോയി, ഗുണ്ടൂരിലേക്കും നെല്ലൂരിലേക്കും പോയി. നമുക്ക് ആ സീഫുഡ് എക്സ്പോര്‍ട്ട് നഷ്ടപ്പെട്ടത് തിരിച്ചു പിടിക്കണം. അതാണ് സതേണ്‍ ഇക്കണോമിക്ക് കോറിഡോര്‍ എന്നുള്ള ആശയത്തില്‍ തിരുവനന്തപുരത്ത് പോര്‍ട്ട് നഗരവും കൊല്ലം മിനറല്‍ കൊറിഡോറും ആലപ്പുഴ ബ്ളൂ ഇക്കണോമിയും ആക്കി മാറ്റാനുള്ള കാര്യം. സീഫുഡ് കുറച്ച് കൂടി ഉത്പാദിപ്പിക്കാന്‍ കഴിയണം. അതിന് ലിബറലായിട്ടുള്ള മത്സ്യകൃഷി ചെയ്യാനുള്ള സൗകര്യം ചെയ്തു കൊടുക്കണം. പണ്ട് നമ്മളായിരുന്നു ഇന്ത്യയിലെ നമ്പര്‍ വണ്‍ സീഫുഡ് എക്സ്പോര്‍ട്ടേഴ്സ്. ആ സീഫുഡ് എക്സ്പോര്‍ട്ട് തുടങ്ങിയാല്‍ ആലപ്പുഴ ജില്ലയില്‍ തന്നെ വലിയ മാറ്റങ്ങള്‍ കൊണ്ടു വരാന്‍ കഴിയും.
2025 ലെ കേന്ദ്ര നിയമമാണ്. ചെറുകിട തുറമുഖങ്ങളുടെ പൂര്‍ണ്ണമായ നിയന്ത്രണം മാരിടൈം ബോര്‍ഡിനു വിട്ടുകൊടുത്തു. നമ്മുടെ നിലവിലുള്ള നിയമത്തില്‍ അതിനു നിയമപരമായ പിന്തുണയില്ല. 2021 ലെ ഇന്‍ലാന്റ് വെസല്‍സ് ആക്ട് പ്രകാരം ഉള്‍നാടന്‍ ജലയാനങ്ങളുടെ നിയുക്ത അധികാരിയായി ബോര്‍ഡിനെ ചുമതലപ്പെടുത്തി. എന്നാല്‍ ആ ചുമതല നിര്‍വഹിക്കാനുള്ള സംവിധാനമോ നിയമപരമായ പിന്തുണയോ ബോര്‍ഡിനില്ല. തീരുമാനങ്ങള്‍ ഒരിടത്ത് എടുക്കാനുള്ള സംവിധാനം ഉണ്ടാക്കി. ആക്ടിലെ മൂന്നാം വകുപ്പ് ഭേദഗതി ചെയ്ത് ബോര്‍ഡിന്റെ ചെയര്‍പേഴ്‌സണ്‍ മുഖ്യമന്ത്രിയായുള്ള സംവിധാനം കൊണ്ടുവരുകയാണ്. തുറമുഖം , മത്സ്യബന്ധനം, വ്യവസായം, ധനകാര്യം , റവന്യൂ, നിയമം, തീരദേശ സുരക്ഷ തുടങ്ങി ഒരു തുറമുഖ പദ്ധതിയ്ക്കുവേണ്ട എല്ലാ വകുപ്പുകളും ഇനി മേശയ്ക്ക്ു ചുറ്റിലുമിരിക്കും. മുമ്പ് ഒരു തീരമാനമെടു്ക്കണമെങ്കില്‍ ബോര്‍ഡിനോ പോര്‍ട്ട് ഡിപ്പാര്‍ട്ട്‌മെന്റിനു അധികാരമില്ലായിരുന്നു. എല്ലാം ഈ പറയുന്ന എല്ലാ വകുപ്പികളിലും പോകണം. ഈ വകുപ്പുകളുടെയെല്ലാം പ്രതിനിധികളുള്ള ഒരു ബോര്‍ഡാണ് ഇപ്പോള്‍. ഒരു നിക്ഷേപം വന്നാല്‍ ഒറ്റ മേശയ്ക്ക് ചുറ്റുമിരുന്ന്് മാരിടൈം ബോര്‍ഡിന് തീരുമാനമെടുക്കാം. അതിനായി മാരിടൈം ബോര്‍ഡിനെ നിയമപരമായി ശക്തപ്പെടുത്തുന്നതാണ് മൂന്നാം വകുപ്പിലെ ഭേദഗതി. രണ്ടാം വകുപ്പ് ബോര്‍ഡിന്റെ ചുമതലകള്‍ നിയമത്തില്‍ കൊണ്ടുവരുകയാണ്. ഇതുവരെ ചട്ടങ്ങളില്‍ മാത്രമായിരുന്നു ബോര്‍ഡിന്റെ ചുമതലകള്‍ ഉണ്ടായിരുന്നത്. പുതിയതായി ചേര്‍ക്കുന്ന 7 എ വകുപ്പില്‍ 48 ക്ലോസുകളിലായി ആക്ടില്‍തന്നെ കൃത്യമായി ചുമതലകല്‍ പറയുന്നു. ഇത് ബോര്‍ഡിന് വ്യക്തമായ നിയമപരമായ അടിത്തറ നല്‍കുന്നു.
ലാന്‍ഡ് വലിയ പ്രധാനമാണ്. ആ ഭൂമിയുടെ ആസൂത്രണവും. പുതിയ 22 എ വകുപ്പ് പ്രകാരം സര്‍ക്കാരിന്റെ അധീനതയിലുള്ള ഭൂമി ഉള്‍പ്പെടുത്തി സംസ്ഥാന മാരിടൈം ലാന്‍ഡ് ബാങ്ക് ഉണ്ടാക്കും. വളരെ നിര്‍ണ്ണായകമായ തീരുമാനമാണിത്. മാരിടൈം പദ്ധതിയ്ക്കാവശ്യമായ ലാന്‍ഡ് ബാങ്കുണ്ടാകും. 103 -ാം വകുപ്പ് പുനസ്ഥാപിച്ച് ഓരോ തുറമുഖത്തിനും തുറമുഖപ്രദേശ വികസന അതോരിറ്റിയുണ്ടാകും. ആ അതോരിറ്റി തയ്യാറാക്കുന്ന സ്ഥലസംബന്ധമായ പ്ലാന്‍ നഗര- ഗ്രാമ ആസൂത്രണ നിയമപ്രകാരം വിജ്ഞാപനം ചെയ്യപ്പെടും. ഒരു നിയമവും ലംഘിക്കുന്നില്ല. അത് നോട്ടിഫൈ ചെയ്യും.
തുറമുഖ വികസനം ഇനി ചിതറിയ ഭൂമിയിലല്ല. ആസൂത്രിതമായി നിശ്ചയിച്ച പ്രദേശത്തായിരിക്കും തുറമുഖ വികസനം നടത്തുക. അടുത്തത് നിക്ഷേപത്തിന്റെ കാര്യമാണ്. ആക്ടിലെ 22 -ാം വകുപ്പ് ഭേദഗതി ചെയ്ത് പൊതു-സ്വകാര്യ പങ്കാളിത്ത വ്യവസ്ഥ നിയമത്തില്‍ വ്യക്തമാക്കുന്നു. സര്‍ക്കാരിന്റെ അനുമതിയോടെ നിക്ഷേപം വിലയിരുത്തി 45 വര്‍ഷം വരെ കാലാവധി അനുവദിക്കാവുന്നതാണ്. ന്യായമായ കാലാവധി നല്‍കുമ്പോള്‍ ടെണ്ടറില്‍ സംസ്ഥാനത്തിനു ലഭിക്കുന്ന വരുമാനവും വര്‍ധിക്കും.
സര്‍ക്കാരിനു നിക്ഷേപം നടത്താന്‍ പണമില്ല. നമ്മുടെ ഓഹരി ഭൂമിയിയാരിക്കും. ആയിരം കോടി രൂപയുടെ പദ്ധതിയുണ്ടെങ്കില്‍ നമ്മുടെ ഓഹരി എന്നത് ഭൂമിയാണ്. ബാക്കിയുള്ളത് നിക്ഷേപമാണ്. അത് എക്‌സ്പ്രഷന്‍ ഓഫ് ഇന്ററസ്റ്റ് വിളിച്ചിട്ടാവാം. അല്ലെങ്കില്‍ ഗവണ്‍മെന്റ് ടു ഗവണ്‍മെന്റ് ആവാം. അല്ലെങ്കില്‍ പൊതുമേഖലാസ്ഥാപനങ്ങളോ ആകാം. സിയാല്‍ മാതൃകയിലുമാകാം. പലതരത്തിലുള്ള ഇക്കണോമിക് മോഡലുകള്‍ വളരെ സുതാര്യമായി ഈ പോര്‍ട്ടിന്റെ വികസനത്തിനുവേണ്ടി നമ്മള്‍ രൂപകല്‍പ്പന ചെയ്യുകയാണ്. നമുക്ക് നിക്ഷേപമാണ് വേണ്ടത്. ഗവണ്‍മെന്റിന്റെ പങ്ക് എന്താണ് എന്ന് നമ്മള്‍ കൃത്യമായി നിശ്ചയിക്കണം. ഗവണ്‍മെന്റ് ചില സ്ഥലത്ത് ഫെസിലിറ്റേറ്റര്‍ ആകും. ചിലയിടത്ത് ഭൂമി കൊടുത്ത് പങ്കാളിയാകും. കാശുമുടക്കി പങ്കാളിയാകാന്‍ പറ്റില്ലല്ലോ. പക്ഷേ എല്ലാ സംരംഭങ്ങളിലും സര്‍ക്കാര്‍ ഉണ്ടാകും. ചിലപ്പോള്‍ ഗവണ്‍മെന്റ് അടിസ്ഥാന സൗകര്യങ്ങള്‍ ഗവണ്‍മെന്റ് ഒരുക്കിക്കൊടുക്കേണ്ടി വരും. വിഴിഞ്ഞം പോര്‍ട്ടുമായി ബന്ധപ്പെട്ട് റിംഗ് റോഡിന് 3200 കോടി രൂപ അനുവദിക്കാന്‍ തീരുമാനിച്ചത് അതുകൊണ്ടാണ്. ആ റിംഗ് റോഡിനു ചുറ്റും ഈ പോര്‍ട്ടുമായി ബന്ധപ്പെട്ട വികസന പ്രവര്‍ത്തനങ്ങള്‍ ഉണ്ടാകണം. കണ്ടെയ്നര് സ്റ്റേഷന്‍സ് ,ട്രൈ സ്റ്റേഷന്‍സുണ്ടാവണം. ലോജിസ്റ്റിക് പാര്‍ക്ക് , വെയര്‍ ഹൗസുകള്‍ തുടങ്ങി മാരിടൈമുമായി ബന്ധപ്പെട്ട കാര്യങ്ങളെല്ലാം അതുമായി ബന്ധപ്പെട്ട് ഉണ്ടാവണം.
വിദ്യാഭ്യാസമന്ത്രി പറഞ്ഞതുപോലെ മാരിടൈം പദ്ധതിയെ വിദ്യാഭ്യാസ മേഖലയുമായി ബന്ധിപ്പിക്കുകയാണ്. പദ്ധതി ലക്ഷക്കണക്കിനു തൊഴില്‍ അവസരങ്ങള്‍ കേരളത്തിലുണ്ടാക്കുമെന്ന കാര്യത്തില്‍ സംശയമില്ല. എംപ്ലോയിമെന്റ് ജനറേഷന്‍ ഉണ്ടാകുമ്പോള്‍ അവിടെ ജോലി ചെയ്യാന്‍ നമ്മുടെ കുട്ടികളെ പ്രാപ്തരാക്കേണ്ടതുണ്ട്. അപ്പോള്‍ നിരവധി അക്കാദമിക് പ്രോഗ്രാമുകള്‍ ഇതിനോടൊപ്പം തുടങ്ങുകയാണ്. ലോജിസ്റ്റിക്‌സ്, മാരിെൈടം നിയമം, മാരിടൈം ഹിസ്റ്ററി തുടങ്ങിയുള്ള വിഷയങ്ങളില്‍ കോഴ്‌സുകള്‍ ആരംഭിക്കും. ലോകത്തിലെ തുറമുഖ നഗരങ്ങള്‍ക്കാവശ്യമായ തരത്തിലുള്ള കാലികമായ അക്കാദമിക് പ്രോഗ്രാമുകള്‍ ഏതൊക്കെന്ന് സര്‍ക്കാര്‍ പരിശോധിച്ചുകൊണ്ടിരിക്കുകയാണ്. അത്തരം അക്കാഡമിക് പ്രോഗ്രാമുകള്‍ മുഴുവന്‍ പോര്‍ട്ട്് സിറ്റിയുടെ ഭാഗമായി കേരളത്തിലുണ്ടാകും. പ്രസ്തുത അക്കാദമിക് പ്രോഗ്രാമുകള്‍ പൂര്‍ത്തിയാക്കി വരുന്ന മുഴുവന്‍ കുട്ടികള്‍ക്കും കേരളത്തില്‍ തന്നെ ജോലി കൊടുക്കാനുള്ള സംവിധാനം ഒരുക്കും.