ഷിക്കാഗോ പൊലീസിന് ആദ്യ വനിതാ മേധാവി വരുമോ? അന്തിമ പട്ടികയിൽ മൂന്ന് പേർ – അനിൽ മറ്റത്തിക്കുന്നേൽ

Spread the love

ഷിക്കാഗോ, നവംബർ 14 — ഷിക്കാഗോ പൊലീസ് വകുപ്പിന്റെ അടുത്ത സൂപ്രണ്ടന്റ് സ്ഥാനത്തേക്ക് മൂന്ന് മുതിർന്ന ഉദ്യോഗസ്ഥരെ നഗരത്തിലെ പൊതുസുരക്ഷാ കമ്മീഷൻ ശുപാർശ ചെയ്തു. ഫസ്റ്റ് ഡെപ്യൂട്ടി സൂപ്രണ്ടന്റ് ആന്റിയോനെറ്റ് ഉർസിറ്റി, കമ്യൂണിറ്റി പൊലീസിങ് മേധാവി ഏഞ്ചൽ നൊവാലെസ്, ഭീകരവിരുദ്ധ വിഭാഗം മേധാവി ക്രിസ് പാപ്പായോന്നൂ എന്നിവരാണ് അന്തിമ പട്ടികയിൽ. ഉർസിറ്റി തിരഞ്ഞെടുക്കപ്പെട്ടാൽ ഷിക്കാഗോ പൊലീസ് വകുപ്പിനെ നയിക്കുന്ന ആദ്യ വനിതയാകും.

ലാറി സ്നെല്ലിങ് വിരമിച്ചതിനെ തുടർന്ന് ആരംഭിച്ച നാലുമാസത്തെ രാജ്യവ്യാപക അന്വേഷണത്തിൽ 46 അപേക്ഷകളാണ് ലഭിച്ചത്. അന്തിമ പട്ടികയിലെ മൂവരും ഷിക്കാഗോ പൊലീസ് വകുപ്പിൽ തന്നെ മുതിർന്ന ചുമതലകൾ വഹിക്കുന്നവരാണ്. വകുപ്പിന്റെ ദൈനംദിന പ്രവർത്തനങ്ങൾക്കു മേൽനോട്ടം വഹിക്കുന്ന ഉർസിറ്റി നേരത്തേ കുറ്റാന്വേഷണ വിഭാഗത്തെ നയിച്ചിട്ടുണ്ട്. മാനസികാരോഗ്യ അടിയന്തര സാഹചര്യങ്ങളോട് പ്രതികരിക്കുന്നതിനുള്ള പൊലീസ് പരിശീലനത്തിലും അവർ പ്രവർത്തിച്ചിട്ടുണ്ട്.

മൂന്നുപേരിൽ ഒരാളെ തിരഞ്ഞെടുക്കാനോ രേഖാമൂലമുള്ള കാരണം നൽകി പട്ടിക നിരസിക്കാനോ മേയർ ബ്രാൻഡൻ ജോൺസന് 30 ദിവസമുണ്ട്. മേയർ തിരഞ്ഞെടുക്കുന്നയാൾക്ക് ഷിക്കാഗോ സിറ്റി കൗൺസിലിന്റെ അംഗീകാരവും വേണം.

Leave a Reply

Your email address will not be published. Required fields are marked *