ഡാളസ് : ഡല്ലാസിൽ രണ്ടുപേരെ ആക്രമിച്ച അക്രമി വെടിയേറ്റ് ആശുപത്രിയിൽ. വടക്കുകിഴക്കൻ ഡല്ലാസിൽ ഞായറാഴ്ച രാവിലെയാണ് സംഭവം. ലാംഗ് സർക്കിൾ ബ്രയാർ ക്രീക്ക് ലേൻ പ്രദേശത്താണ് ആക്രമണമുണ്ടായത്.
രണ്ടുപേരെ ആക്രമിച്ച അക്രമിയെ പിന്നീട് ഒരാൾ വെടിവച്ചു വീഴ്ത്തുകയായിരുന്നു. അക്രമിയെ വെടിവച്ചത് ഇരകളിലൊരാളാണോ അതോ സ്ഥലത്തുണ്ടായിരുന്ന മറ്റാരെങ്കിലുമാണോ എന്ന് ഡല്ലാസ് പൊലീസ് അന്വേഷിച്ചുവരികയാണ്. ആക്രമണത്തിൽ പരിക്കേറ്റ രണ്ടുപേരെയും അക്രമിയെയും ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില സംബന്ധിച്ച വിവരങ്ങൾ പൊലീസ് ഇതുവരെ പുറത്തുവിട്ടിട്ടില്ല.