ഇന്ത്യയിലെ ഹരിതോർജ മേഖലയിൽ 7 ബില്യൺ ഡോളർ നിക്ഷേപിക്കാനൊരുങ്ങി ആമസോൺ

Spread the love

മുംബൈ: ഇന്ത്യയിലെ പുനരുപയോഗ ഊർജ പദ്ധതികളിൽ 2030-ഓടെ 7 ബില്യൺ ഡോളർ (ഏകദേശം 58,000 കോടിയിലധികം രൂപ) നിക്ഷേപിക്കാൻ ആമസോൺ തീരുമാനിച്ചു. രാജ്യത്ത് ഇതിനകം കരാറിലേർപ്പെട്ട 4 ബില്യൺ ഡോളറിന്റെ നിക്ഷേപത്തിന് പുറമെയാണിത്. ഇതോടെ ഇന്ത്യയിലെ കാർബൺ രഹിത ഊർജത്തിന്റെ ഏറ്റവും വലിയ കോർപ്പറേറ്റ് ഉപഭോക്താക്കളിലൊന്നായി ആമസോൺ മാറും.

പുതിയ പ്രഖ്യാപനത്തോടൊപ്പം 934 മെഗാവാട്ട് ശേഷിയുള്ള നാല് പുതിയ വൻകിട കാറ്റാടി, സൗരോർജ പദ്ധതികളും കമ്പനി അവതരിപ്പിച്ചു. പവർ പർച്ചേസ് കരാറുകൾ (പി.പി.എ.) വഴി ഉറപ്പാക്കിയ ഈ പദ്ധതികൾ നിലവിലെ 4 ബില്യൺ ഡോളർ നിക്ഷേപത്തിന്റെ ഭാഗമാണ്. ഇവ പ്രവർത്തനക്ഷമമാകുന്നതോടെ ഇന്ത്യയിലെ ആമസോണിന്റെ സംയോജിത ഊർജ ശേഷി 2 ഗിഗാവാട്ടിലധികമായി ഉയരും. ഇത് 35 ലക്ഷത്തിലധികം ഇന്ത്യൻ കുടുംബങ്ങൾക്ക് ഒരു വർഷത്തേക്ക് ആവശ്യമായ വൈദ്യുതിക്ക് തുല്യമാണ്.

Sneha Sudarsan

Leave a Reply

Your email address will not be published. Required fields are marked *