തിരുവനന്തപുരം: വോട്ടു കൊള്ള നടത്തിയ മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ തൽസ്ഥാനത്തു നിന്ന് നീക്കം ചെയ്യണമെന്നാവശ്യപ്പെട്ട് മഹിള കോൺഗ്രസ്സ് സംസ്ഥാന കമ്മിറ്റിയുടെ നേതൃത്വത്തിൽ”കേരള ജന്തർ മന്തർ” 21 ന് രാവിലെ
10 ന് ലോക് ഭവന് സമീപം നടത്തുമെന്ന് .മഹിളാ കോൺഗ്രസ് സംസ്ഥാന പ്രസിഡന്റ് ജെബി മേത്തർ എംപി പറഞ്ഞു.
വോട്ട് ശുദ്ധീകരണ പ്രക്രിയയുടെ മറവിൽ സ്ത്രീകളുടെ വോട്ടുകൾ വൻ തോതിൽ വെട്ടി മാറ്റപ്പെട്ടു. യു.പി യിൽ മാത്രം 1 .54 കോടി സ്ത്രീ വോട്ടുകളാണ് പട്ടികയിൽ നിന്ന് പുറത്തായത്. 1.35 കോടി പുരുഷ വോട്ടുകളും വെട്ടി. ബീഹാറിൽ 22.74 ലക്ഷം സ്ത്രീകൾ പട്ടികക്ക് പുറത്തായി. ഇതിൽ 16 ലക്ഷം പേർ 40 വയസ്സിന് താഴെ പ്രായമുള്ള സ്ത്രീകളാണ്.
15.55 ലക്ഷം പുരുഷ വോട്ടർമാരും ബീഹാറിൽ പുറത്തായി.
മോഡി സർക്കാരിനെതിരെ രാജ്യത്തുള്ള സ്ത്രീകൾ അണിനിരക്കുന്നു എന്ന് മനസ്സിലാക്കിയാണ് വൻ തോതിൽ സ്ത്രീ വോട്ടു തട്ടൽ നടക്കുന്നത്. സ്ത്രീ വോട്ടർമാർ കൂടുതലായി പുറത്താകുന്നതോടെ സ്ത്രീ -പുരുഷ അനുപാതത്തിലും വലിയ മാറ്റം വരും. വിവാഹശേഷം ഭർതൃ ഗൃഹത്തിലേക്ക് എത്തിപ്പെടുന്ന സ്ത്രീകൾക്ക് പൂർവികരുടെ പേരുകൾ ചേർക്കാൻ കഴിയില്ല. സ്വന്തം വീട്ടിലും ഭർതൃ വീട്ടിലും വോട്ടു നിലനിർത്താൻ കഴിയാത്ത സ്ഥിതിയാണ്. ഫോം 6 ഉം ഓൺലൈൻ സംവിധാനവും സ്ത്രീ വോട്ടർമാരെ കുഴക്കുന്നുണ്ട്. കൃത്യമായി വീടുകൾ കയറിയുള്ള എന്യുമറേഷൻ നടത്തി പട്ടിക പുതുക്കണം.
ബി.ജെ.പി ക്ക് വേണ്ടിയാണ് മുഖ്യ തെരഞ്ഞെടുപ്പ് കമ്മീഷണർ ഈ കള്ളകളി നടത്തുന്നത്.
രാജ്യത്തെ പ്രതിപക്ഷ കക്ഷികളും, വിദ്യാർത്ഥികളും, യുവജനങ്ങളും, സമൂഹത്തിലെ പ്രമുഖരും ഗ്യാനേഷ് കുമാറിന്റെ പ്രവർത്തിയിൽ അതൃപ്തി രേഖപെടുത്തിയിട്ടും, ഗ്യാനേഷ് കുമാറിന് ബി.ജെ.പി സംരക്ഷണം പോകുകയാണെന്ന് നൽകുകയാണെന്നും ജെബി മേത്തർ വിമർശിച്ചു.