നികത്താനോ മറക്കാനോ കഴിയാത്ത നഷ്ടം നല്കിയാണ് ജാനകിയമ്മ വിടവാങ്ങിയതെന്ന് എഐസിസി ജനറല് സെക്രട്ടറി കെസി വേണുഗോപാല് എംപി.
ഏതുരാഗവും ഭാവവും ഭാഷയും വഴങ്ങുമായിരുന്ന അതുല്യ പ്രതിഭയായിരുന്നു ജാനകിയമ്മ. അസൂയാവഹമായ സ്വരമാധുര്യവും ആലാപനസിദ്ധിയുമുള്ള ജാനകിയമ്മ നമ്മള് മലയാളികളുടേത് കൂടിയായിരുന്നുവെന്നതാണ് നമ്മുടെ സ്വകാര്യ അഹങ്കാരമായിരുന്നുവെന്നും കെസി വേണുഗോപാല് അനുശോചന സന്ദേശത്തില് പറഞ്ഞു. തലമുറകളെ സ്വാധീനിച്ച പ്രതിഭയായിരുന്നു ജാനികയമ്മ. ഇന്ത്യന് ചലച്ചിത്ര മേഖലയ്ക്ക് അനശ്വരമായ സംഭാവനകള് നല്കിയാണ് ജാനകിയമ്മ വിടവാങ്ങിയത്. അവര് പാടിയ ഗാനങ്ങള് ഇനിയും മരണമില്ലാതെ തലമുറകള് ഏറ്റുപാടും. ഓര്മ്മകള്ക്ക് മരണമില്ലാത്തടുത്തോളം കാലം ജാനകിയമ്മ അവര് തീര്ത്ത ശബ്ദമാധുര്യത്തിലൂടെ നമുക്കിടയില് തുടര്ന്നും ജീവിക്കുമെന്നും കെസി വേണുഗോപാല് പറഞ്ഞു.
