കാലിഫോർണിയ : ദക്ഷിണ കാലിഫോർണിയയിലെ ഒന്റാറിയോയിൽ മൂന്ന് പേരുടെ മരണത്തിനിടയാക്കിയ ഭീകര ട്രക്ക് അപകടക്കേസിൽ ഇന്ത്യൻ വംശജനായ 21-കാരൻ ജഷൻപ്രീത് സിംഗിന് (Jashanpreet Singh) നാല് വർഷവും എട്ട് മാസവും തടവുശിക്ഷ വിധിച്ചു.
2025 ഒക്ടോബറിലാണ് കാലിഫോർണിയയിലെ ഇന്റർസ്റ്റേറ്റ് 10 (I-10) ഫ്രീവേയിൽ സിംഗ് ഓടിച്ച സെമി-ട്രക്ക് നിയന്ത്രണം നഷ്ടപ്പെട്ട് മുന്നിലുണ്ടായിരുന്ന വാഹനങ്ങളിലേക്ക് ഇടിച്ചുകയറിയത്. ഏഴ് വാഹനങ്ങൾ ഉൾപ്പെട്ട അപകടത്തിൽ പ്രായമായ ദമ്പതികളുൾപ്പെടെ മൂന്ന് പേർ മരിച്ചു. രണ്ട് പേർക്ക് ഗുരുതര പരിക്കേൽക്കുകയും ചെയ്തു.
ആദ്യത്തിൽ കുറ്റം നിഷേധിച്ചിരുന്ന ജഷൻപ്രീത് സിംഗ് പിന്നീട് ഗുരുതര അശ്രദ്ധയോടെയുള്ള വാഹനാപകടത്തിലൂടെ മരണം വരുത്തിയ മൂന്ന് ഫെലണി കുറ്റങ്ങൾ സമ്മതിക്കുകയായിരുന്നു. പരമാവധി 10 വർഷം വരെ തടവുശിക്ഷ ലഭിക്കാവുന്ന കേസിലായിരുന്നു കോടതി നാല് വർഷവും എട്ട് മാസവും തടവിന് ശിക്ഷിച്ചത്.
അപകടസമയത്ത് പടിഞ്ഞാറോട്ടുള്ള ഫ്രീവേയിൽ ഗതാഗതം മന്ദഗതിയിലായിരുന്നെങ്കിലും, സിംഗിന്റെ ട്രക്ക് വേഗം കുറയ്ക്കുകയോ ബ്രേക്ക് ഇടുകയോ ചെയ്തില്ലെന്ന് ദൃക്സാക്ഷികൾ മൊഴി നൽകി. തുടർന്ന് ട്രക്ക് നിരവധി വാഹനങ്ങളിൽ ഇടിച്ചുകയ
