കൊച്ചി: സമ്പദ്ഘടനയുടെ ചാലക ശക്തിയായ സൂക്ഷ്മ, ചെറുകിട ഇടത്തരം സംരംഭങ്ങൾക്ക് (എംഎസ്എംഇ) അക്കൗണ്ടിംഗ്, ജിഎസ്ടി, നികുതി- സാമ്പത്തിക മാനേജ്മെന്റ്, നിയമ കാര്യങ്ങൾ, കമ്പനി സെക്രട്ടേറിയൽ, കോസ്റ്റ് ആൻഡ് മാനേജ്മെന്റ് എന്നീ മേഖലകളിലേക്ക് നൈപുണ്യം നേടിയ പ്രൊഫഷണലുകളെ ലഭ്യമാക്കുന്നതിനായി കേന്ദ്ര കോർപ്പറേറ്റ്കാര്യ മന്ത്രാലയം ആരംഭിച്ച കോർപ്പറേറ്റ് മിത്ര കോഴ്സിലേക്കുള്ള രജിസ്ട്രേഷൻ ആരംഭിച്ചു. ഒരു വർഷത്തെ കോഴ്സിൽ ആദ്യ ആറുമാസം 150 മണിക്കൂർ ഓൺലൈൻ ക്ലാസ്സുകളും പിന്നീടുള്ള ആറു മാസം തൊഴിൽ പരിശീലനവുമായിരിക്കും. പ്രായപരിധി 30 വയസ്. ബിരുദധാരികൾക്കും അവസാന വർഷ വിദ്യാർത്ഥികൾക്കും അപേക്ഷിക്കാം. രജിസ്ട്രേഷൻ ഫീസ് 3000+ ജിഎസ്ടി. സ്ത്രീകൾക്കുപുറമെ വടക്കുകിഴക്കൻ മേഖല, ലക്ഷദ്വീപ്, ആൻഡമാൻ നിക്കോബാർ എന്നിവിടങ്ങളിലെ അപേക്ഷകർക്ക് രജിസ്ട്രേഷൻ ഫീസിൽ 50% ഇളവ് ലഭിക്കും.
ഐഐടി മദ്രാസ്, ഐഐടിഎം പ്രവർത്തക്, സ്വയം പ്ലസ് പോർട്ടൽ എന്നിവയോടൊപ്പം ഇൻസ്റ്റിറ്റ്യൂട്ട് ഓഫ് ചാറ്റേഡ് അക്കൗണ്ടന്റ്സ് ഓഫ് ഇന്ത്യ (ഐസിഎഐ), ഇൻസ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യ (ഐസിഎസ്ഐ), ഇൻസ്റ്റിറ്റ്യൂട്ട് ഓഫ് കോസ്റ്റ് അക്കൗണ്ടന്റ്സ് ഓഫ് ഇന്ത്യ (ഐസിഒഎഐ) എന്നീ പ്രൊഫഷണൽ സ്ഥാപനങ്ങളും ചേർന്നാണ് കോഴ്സ് നടത്തുന്നത്. രജിസ്ട്രേഷനും വിശദ വിവരങ്ങൾക്കുമായി https://swayamplus.education.gov.in/courses/corporate-mitra എന്ന വെബ്സൈറ്റ് സന്ദർശിക്കുക.
Julie John
