കോഴിക്കോട്: ഓഹരി വിപണിയിലെ മികച്ച നിക്ഷേപ രീതികൾ മനസിലാക്കി ദീർഘകാല സമ്പാദ്യം ഉറപ്പാക്കുന്നതിന് ഇടപാടുകാരെ ശാക്തീകരിക്കുന്നതിന്റെ ഭാഗമായി ഫെഡറൽ ബാങ്കിന്റെ വെൽത്ത് മാനേജ്മന്റ് വിഭാഗം ‘വെൽത്ത് ആൻഡ് വിസ്ഡം’ സീരിസ് സംഘടിപ്പിച്ചു. ഉയർന്ന ആസ്തിയുള്ള ഇടപാടുകാരെ (എച്ച്എൻഐ) ലക്ഷ്യമിട്ട് ഹോട്ടൽ റാവിസ് കടവ് റിസോർട്ടിൽ സംഘടിപ്പിച്ച പരിപാടിയിൽ ഫെഡറൽ ബാങ്ക് വെൽത്ത് മാനേജ്മന്റ് ആൻഡ് ബാങ്കഷ്വറൻസ് കൺട്രി ഹെഡ് വീരേന്ദ്ര സോംവൻശി, എസ്ബിഐ മ്യൂച്വൽ ഫണ്ട്സ് ക്വാണ്ടിറ്റേറ്റീവ് റിസർച് വിഭാഗം അനലിസ്റ്റ് ഹരീഷ് രാമചന്ദ്രൻ അയ്യർ എന്നിവർ സംവദിച്ചു. നിലവിലെ ആഗോള സാമ്പത്തിക സാഹചര്യത്തിൽ ഓഹരിവിപണിയിൽ സംഭവിക്കാൻ സാധ്യതയുള്ള പ്രവണതകളെക്കുറിച്ചും നിക്ഷേപകർക്കുള്ള വെൽത്ത് മാനേജ്മന്റ് അവസരങ്ങളെക്കുറിച്ചുമാണ് പരിപാടിയിൽ സംവദിച്ചത്.
Athulya Raj K R
