ലണ്ടൻ : ഭാര്യയുടെ അറിവില്ലാതെ 20 വർഷത്തോളം ലഹരിരുന്ന് നൽകി പീഡിപ്പിച്ച കേസിൽ ഭർത്താവ് മാഞ്ചസ്റ്റർ മിൻഷൾ സ്ട്രീറ്റ് ക്രൗൺ കോടതിയിൽ കുറ്റസമ്മതം നടത്തി. 2004 മുതൽ 2025 വരെയുള്ള കാലയളവിൽ പീഡനം, നുഴഞ്ഞുകയറ്റത്തിലൂടെയുള്ള ആക്രമണം, മനഃപൂർവം ലഹരിമരുന്ന് നൽകൽ തുടങ്ങി 60-ഓളം കുറ്റങ്ങളാണ് അറുപതുകാരനായ പ്രതിക്കെതിരെ ചുമത്തിയിട്ടുള്ളത്.
ഭാര്യയുടെ സമ്മതമില്ലാതെ അവരുടെ ചിത്രങ്ങൾ പങ്കുവച്ചതായി ഇയാൾ നേരത്തെ സമ്മതിച്ചിരുന്നു. കേസിലെ പതിമൂന്ന് കൂട്ടുപ്രതികളിൽ ഒരാൾ കുറ്റസമ്മതം നടത്തിയപ്പോൾ, 28-നും 74-നും ഇടയിൽ പ്രായമുള്ള മറ്റ് 12 പേർ തങ്ങൾക്കെതിരെയുള്ള ആരോപണങ്ങൾ നിഷേധിച്ചു. സംഭവത്തിൽ ഇരയ്ക്ക് ആവശ്യമായ എല്ലാ പിന്തുണയും ഉറപ്പാക്കുമെന്നും വിചാരണ വരും ആഴ്ചകളിൽ തുടരുമെന്നും ഗ്രേറ്റർ മാഞ്ചസ്റ്റർ പൊലീസ് അറിയിച്ചു.
p.p.c
