മാനുഷീക ബുദ്ധിയുടെ പ്രവർത്തനങ്ങൾ കംമ്പ്യൂട്ടറിൽ പ്രോഗ്രാം ചെയ്യുന്നതിനനുസരിച്ചാണ് AI (കൃത്രിമ ബുദ്ധി) പ്രവർത്തിയ്ക്കുന്നത്.ലോക സുവിശേഷീകരണത്തിനും ബൈബിൾ പഠനത്തിനും, പ്രത്യേകിച്ച് കൺവൻഷൻ പ്രസംഗകർക്കും, സഭാശുശ്രൂഷകർക്കും ഒരു പോലെ പ്രയോജന പ്രഥമാണ് എഐ. എന്നിരുന്നാലും എഐ സാങ്കേതിക വിദ്യയിൽ മാത്രം ആശ്രയിച്ച് ആത്മീയ ശുശ്രൂഷകൾ നിർവ്വഹിയ്ക്കുവാനും ശ്രമിക്കരുത്. ഉദാഹരണത്തിന് സാങ്കേതിക മികവിൽ പ്രവർത്തിക്കുന്ന ജീപിയസ്, ചാറ്റ് ജിപിറ്റി, തുടങ്ങിയവ തെറ്റായ സന്ദേശങ്ങൾ നൽകി മനുഷ്യരെ വഴിതെറ്റിച്ചിട്ടുണ്ടു്. ഇന്നുള്ള പെന്തെക്കോസ്ത് സഭകളിൽ ഒരു വിഭാഗം ശുശ്രൂഷകർ ആധൂധീക സാങ്കേതിക വിദ്യകൾക്ക് മാത്രം അടിമപ്പെട്ടതുമൂലം പരിശുദ്ധാത്മ നിയോഗത്താൽ ശുശ്രൂഷ 
രാജു തരകൻ
നിർവ്വഹിയ്ക്കുവാൻ സാധിക്കാത്ത അവസ്ഥയിലും ആയിരിക്കുകയാണ്. ഇവരാണ് കപട വേലക്കാർ. യേശു കർത്താവാണ് എല്ലാ ശുശ്രൂഷകൾക്കും ഒരു മാതൃക. യെരുശലേം ദൈവാലയത്തിൽ കർത്താവ് പ്രസംഗിച്ചത് ദൈവീക നിയോഗത്താൽ ആയിരുന്നു. അവിടെ നടത്തുന്ന അനീതിക്ക് എതിരെയായിരുന്നു കർത്താവ് പ്രതികരിച്ചത്. യേശുവിനെ ചോദ്യം ചെയ്തവരോട് മറുചോദ്യം കൊണ്ട് ഉത്തരം മുട്ടിയ്ക്കുവാൻ യേശുവിന് സാധിച്ചു. അതിൻ കാരണം, കർത്താവിന് ലഭിച്ച ജ്ഞാനം ഉയരത്തിൽ നിന്നുള്ളതായിരുന്നു (മത്തായി 21 ൻ്റെ 23). കർത്താവ് ജനത്തോട് സംവാദിച്ചിരുന്നത് അവർക്ക് മനസ്സിലാകത്തക്ക ലളിതമായ ഭാഷയിലായിരുന്നു. എന്നാൽ ഇതുപോലെ ആർട്ടിഫിഷ്യൽ ഇൻ്റലിജൻസിന് ജനങ്ങളുടെ മാനസ്സീക അവസ്ഥ വിശകലനം ചെയ്ത് പ്രശ്ന പരിഹാരം കണ്ടെത്തുവാനും സാധ്യമാകയില്ല. പത്രൊസിൻ്റെ പ്രസംഗത്താൽ മൂവായിരം പേരാണ് രക്ഷിക്കപ്പെട്ട് സഭയോട് ചേർന്നത് (അപ്പൊ. പ്രവൃർത്തികൾ 2 ൻ്റെ14 മുതൽ 41 വരെയുള്ള വാക്യങ്ങൾ). പരിശുദ്ധാത്മ നിയോഗത്താൽ നടത്തപ്പെടുന്ന ശൂശ്രഷകളിലാണ് പാപികൾ മാനസാന്തരപ്പെടുന്നതിനും രോഗികൾ സൗഖ്യമാകുന്നതിനും ഇടയാക്കുന്നത്.
ബൈബിൾ പഠിതാക്കൾ എഐ മാത്രം ആശ്രയിച്ച് പഠനം പൂർത്തിയാക്കുവാൻ ശ്രമിയ്ക്കുംമ്പോൾ ആശയങ്ങളിലും, വ്യാഖ്യാനങ്ങളിലും വ്യത്യസ്തത സംഭവിയ്ക്കുവാനും,നൂറു ശതമാനം ശരിയാണെന്ന് ഉറപ്പ് വരുത്തുവാനും സാധ്യമല്ല.സ്വന്തം ജീവിതാനുഭവത്തിൽ നിന്നായിരിയ്ക്കേണം ആത്മിയ ശുശ്രൂഷകൾക്ക് തുടക്കം കുറിയ്ക്കേണ്ടത്.എഐ സാങ്കേതിക വിദ്യകൾക്ക് ഒന്നും ജീവിതാനുഭം ഉണ്ടായിരിയ്ക്കയില്ല. ജീവിതാനുഭവം ഇല്ലാത്ത ആത്മിയ ശുശ്രൂുഷകൾ ഒന്നും മനുഷ്യ ഹൃദയത്തെ സ്വാധീനിയ്ക്കയും ഇല്ല.പ്രാർത്ഥനയും വചന ധ്യാനവുമാണ് ആത്മീയ ശുശ്രൂഷയുടെ അടിസ്ഥാന ഘടകങ്ങൾ. ബുദ്ധിയിൽ നിന്നു് പകരപ്പെടുന്ന ജ്ഞാനവും ഉയരത്തിൽ നിന്ന് ലഭിയ്ക്കുന്ന ജ്ഞാനത്തിനു തമ്മിൽ വലിയ വ്യത്യാസമുണ്ട്. യഹോവ ഭക്തിയാണ് ജ്ഞാനത്തിന് ആരംഭം കുറിയ്ക്കുന്നത്. വേർപാടിൻ്റെ ദുഃഖത്തിൽ കഴിയുന്നവരോടൊപ്പം നാം സമയം പങ്കിടുംമ്പോൾ നമ്മുടെ സാന്നിദ്ധ്യം അവരിൽ സ്വാന്തനം പകരുന്നത്തൊടൊപ്പം വ്യക്തി ബന്ധവും വർദ്ധിയ്ക്കുവാൻ ഇടയാകും. ഇത്തരം സന്ദർഭങ്ങളിൽ എഐ യുടെ പ്രവർത്തന മേഖല പരിമിതമാണ്. ആയതുകൊണ്ട് ആർട്ടിഫിഷ്യൽ ഇൻ്റലിജൻസ് കാലഘട്ടത്തിന് അനുസരിച്ചും, ആത്മീയ വളർച്ചയുടെ ലക്ഷ്യത്തിനുമായിട്ടാണ് ഉപയോഗിയ്ക്കേണ്ടത്,അതൊടൊപ്പം വ്യക്തി ജീവിതത്തിൽ പ്രാർത്ഥനയും തിരുവചന ധ്യാനവും കുറവ് സംഭവിയ്ക്കുവാനും ഇടയാകരുത്.
