കൊച്ചി ആസ്ഥാനമായി പ്രവർത്തിക്കുന്ന ചിന്മയ ഇന്റർനാഷണൽ ഫൗണ്ടേഷന്റെ ഇന്ത്യയിലും വിദേശത്തുമുള്ള പ്രവർത്തനങ്ങൾ ഏകോപിപ്പിക്കുന്ന ഡയറക്ടറായി ഡോ. എം. വി. നടേശൻ ചുമതലയേറ്റു. ചിന്മയ ഇന്റർനാഷണൽ ഫൗണ്ടേഷന്റെ വിദ്യാഭ്യാസ, ഗവേഷണ, സംസ്കൃത-ഭാരതീയ ജ്ഞാനപാരമ്പര്യ പ്രവർത്തനങ്ങൾ രാജ്യത്തിന്റെ വിവിധ ഭാഗങ്ങളിലേക്കും വിദേശത്തേക്കും വ്യാപിപ്പിക്കുന്നതിനും വിവിധ സർവകലാശാലകൾ, ഗവേഷണ സ്ഥാപനങ്ങൾ, സാംസ്കാരിക സംഘടനകൾ എന്നിവയുമായി സഹകരണം ശക്തിപ്പെടുത്തുന്നതിനും നേതൃത്വം നൽകുകയാണ് മുഖ്യ ചുമതല. ശ്രീശങ്കരാചാര്യ സംസ്കൃത സർവകലാശാലയിലെ സംസ്കൃതം വ്യാകരണം വിഭാഗം പ്രൊഫസറും മുൻ വിദ്യാഭ്യാസ വിഭാഗം മേധാവിയുമായിരുന്നു. കേന്ദ്ര വിദ്യാഭ്യാസ മന്ത്രാലയത്തിന് കീഴിലുള്ള ഭാരതീയ ഭാഷാസമിതിയിൽ വിദഗ്ധ അംഗമായിരുന്നു. റെയിൽവേ മന്ത്രാലയത്തിൻ്റെ കീഴിലുള്ള റെയിൽവേ വികാസ് നിഗം ലിമിറ്റഡ്, പ്രതിരോധ മന്ത്രാലയത്തിൻ്റെ കീഴിലുള്ള ഭാരത് എർത്ത് മൂവേഴ്‌സ് ലിമിറ്റഡ് എന്നിവയുടെ സ്വതന്ത്ര ഡയറക്ടറായി പ്രവർത്തിച്ചിട്ടുണ്ട്. ആഗമാനന്ദ പുരസ്കാരം, പണ്ഡിതരത്നം, ഭാരതമുദ്ര, ആചാര്യരത്നം തുടങ്ങിയ പുരസ്കാരങ്ങൾ ലഭിച്ചിട്ടുണ്ട്. അമൃത സർവകലാശാല, കേന്ദ്ര സംസ്കൃത സർവകലാശാല, കൽക്കട്ട സർവകലാശാല എന്നിവയുടെ വിവിധ അക്കാദമിക സമിതികളിൽ അംഗമാണ്. തൃശൂർ ചിന്മയ മിഷൻ ട്രസ്റ്റി,
അമൃതഭാരതി വിദ്യാപീഠം സംസ്ഥാന അധ്യക്ഷൻ, പാഞ്ചജന്യം ഭാരതം ദേശീയ വൈസ് ചെയർമാൻ എന്നീ ചുമതലകൾ നിലവിലുണ്ട്. സംസ്കൃതം, ഭാരതീയ ജ്ഞാനപാരമ്പര്യം, വിദ്യാഭ്യാസം, ഗവേഷണം, സാംസ്കാരിക പൈതൃകം എന്നിവയുമായി ബന്ധപ്പെട്ട വിവിധ ദേശീയ പദ്ധതികളിലും അക്കാദമിക സംരംഭങ്ങളിലും ഡോ. എം വി നടേശൻ പങ്കാളിയാണ്.
കൂടുതൽ വിവരങ്ങൾക്ക് ഫോൺ: +91 94473 80373
JALEESH PETER
