കൊച്ചി: മെക്സിക്കന്‍-പ്രചോദിത റസ്റ്റോറന്റായ ടാക്കോ ബെല്ലിന് ഇന്ത്യയില്‍ 100 റെസ്റ്റോറന്റുകള്‍. ഈ നാഴികക്കല്ല് ആഘോഷിക്കുന്ന ടാക്കോ ബെല്‍ ഇന്ത്യയിലെ 100 റെസ്റ്റോറന്റുകളിലും ഓഗസ്റ്റ് 31 മുതല്‍ സെപ്റ്റംബര്‍ രണ്ടു വരെ മൂന്നു ദിവസത്തെ എക്സ്‌ക്ലൂസീവ് ഓഫര്‍ നല്‍കുന്നു. വെറും 100 രൂപ വിലയ്ക്ക് ഈ പരിമിതമായ സമയത്ത് ഉപഭോക്താക്കള്‍ക്ക് ടാകോസ്, ബറിറ്റോസ്, ചലുപാസ്, നാചോസ് എന്നിവയും സ്പെഷ്യാലിറ്റി സൈഡ് മെനുവില്‍ നിന്നും പ്രത്യേക മെനു ഓഫറുകളും ആസ്വദിക്കാം. ടാക്കോ ബെല്ലിന്റെ ആപ്പ് ഉള്‍പ്പെടെ ഡൈന്‍-ഇന്‍, ടേക്ക് എവേ, ഡെലിവറി ചാനലുകളില്‍ ഓഫര്‍ ലഭ്യമാകും. കൂടാതെ ഉപഭോക്താക്കള്‍ക്ക് ബ്രാന്‍ഡിന്റെ എക്സ്‌ക്ലൂസീവ് സമ്മാനങ്ങള്‍ സ്വീകരിക്കാനുള്ള അവസരവും ലഭിക്കും.
ഇന്ത്യന്‍ ഉപഭോക്താക്കള്‍ ടാക്കോ ബെല്ലിനെ അതിന്റെ വ്യത്യസ്തമായ രുചികള്‍ക്കും ഉത്പന്നങ്ങള്‍ക്കുമായി വേഗത്തില്‍ സ്വീകരിക്കുന്നതിനാല്‍ ടാക്കോ ബെല്‍ ഇന്റര്‍നാഷണലിന്റെ ഏറ്റവും വേഗത്തില്‍ വളരുന്ന വിപണിയായി ഇന്ത്യ മാറി. 1962 ല്‍ ആദ്യത്തെ ടാക്കോ ബെല്‍ ആരംഭിച്ച യുഎസിന് പുറത്തുള്ള ഏറ്റവും വലിയ വിപണിയാണ് ഇന്ത്യ. വ്യത്യസ്തമായ ടാക്കോ ബെല്‍ അനുഭവം രാജ്യത്തുടനീളമുള്ള കൂടുതല്‍ ആരാധകരിലേക്ക് എത്തിക്കാന്‍ ശ്രമിക്കുകയാണ്. ഇതിന്റെ ഭാഗമായി അടുത്ത ഏതാനും വര്‍ഷങ്ങളില്‍ ഇന്ത്യയില്‍ 600 റസ്റ്റോറന്റുകള്‍ തുറക്കാന്‍ ബ്രാന്‍ഡ് ലക്ഷ്യമിടുന്നുവെന്ന് ടാക്കോ ബെല്‍ എപിഎസിയുടെ മാനേജിംഗ് ഡയറക്ടര്‍ അങ്കുഷ് തുലി പറഞ്ഞു.
നിലവില്‍ ഓരോ 80 മണിക്കൂറിലും ഒരു പുതിയ സ്റ്റോര്‍ തുറക്കുകയും, ഇന്ത്യയിലെ 600 സ്റ്റോറുകള്‍ എന്ന ഞങ്ങളുടെ അടുത്ത നാഴികക്കല്ലിലെത്താന്‍ കഠിനമായി പരിശ്രമിക്കുകയും ചെയ്യുമെന്നു ടാക്കോ ബെല്ലിന്റെ ഇന്ത്യയിലെ ഫ്രാഞ്ചൈസി പങ്കാളിയായ ബര്‍മന്‍ ഹോസ്പിറ്റാലിറ്റി പ്രൈവറ്റ് ലിമിറ്റഡ് ഡയറക്ടര്‍ ഗൗരവ് ബര്‍മന്‍ പറഞ്ഞു.
Report : AISHWARYA
