തിരുവനന്തപുരം : ഏപ്രില്‍ 15 ന് വൈകുന്നേരം 6 ന് ് കോഴിക്കോട് യുഡിഎഫ് മഹാറാലിയില്‍ രാഹുല്‍ ഗാന്ധി പ്രസംഗിക്കുമെന്ന് പ്രോഗ്രാം കോര്‍ഡിനേറ്റര്‍ ജോസഫ് വാഴയ്ക്കന്‍ അറിയിച്ചു.
ഏപ്രില്‍ 15, 16 തീയതികളില്‍ വയനാട് നിയോജക മണ്ഡലത്തിലെ വിവിധ പരിപാടികളില്‍ രാഹുല്‍ ഗാന്ധി പങ്കെടുക്കും.
18-ന് 10ന് കണ്ണൂരും 3 ന് പാലക്കാടും 5 ന് കോട്ടയം പാര്‍ലമെന്റ് നിയോജക മണ്ഡലങ്ങളിലെ സമ്മേളനങ്ങളിലും പങ്കെടുക്കും.
22-ന് രാവിലെ 10ന് തൃശൂരും 3.00ന് തിരുവനന്തപുരത്തും 5ന് ആലപ്പുഴയിലുമുള്ള റാലികളിലും പങ്കെടുക്കും.
ഡി.കെ.ശിവകുമാര്‍
തിരുവന്തപുരംഃ കര്‍ണ്ണാടക ഉപമുഖ്യമന്ത്രി ഡി.കെ.ശിവകുമാര്‍ 16-നു തീയതി രാവിലെ 10ന് തിരുവനന്തപുരത്തും ഉച്ചകഴിഞ്ഞ് 2 ന് മട്ടന്നൂര്‍ നിന്നും ഇരിട്ടിയിലേക്കുള്ള റോഡ് ഷോയിലും പൊതുസമ്മേളനങ്ങളിലും സംബന്ധിക്കും.
4ന് വടകര മണ്ഡലത്തുള്ള നാദാപുരത്തും 5.30ന് കോഴിക്കോട് മണ്ഡലത്തിലെ കൊടുവള്ളിയിലും പൊതുസമ്മേളനങ്ങളില്‍ സംബന്ധിക്കും.
7.30 ന് പൊന്നാനി മണ്ഡലത്തിലെ താനൂരിലും പങ്കെടുക്കും.
അംബേദ്ക്കര്‍ ജയന്തി
തിരുവനന്തപുരം: ഭീമാറാവു റാംജി അംബേദ്ക്കറിന്റെ 134-ാം ജന്മജയന്തിയോടനുബന്ധിച്ച് ഏപ്രില്‍ 14, രാവിലെ 10 മണിക്ക് കെ.പി.സി.സി ആസ്ഥാനത്ത് അംബേദ്ക്കറുടെ ഛായാചിത്രത്തില്‍ പുഷ്പാര്‍ച്ചന അര്‍പ്പിക്കുമെന്ന് കെപിസിസി ജനറല്‍ സെക്രട്ടറി ജി.എസ്.ബാബു അറിയിച്ചു.
കുടുംബസംഗമം ഇന്ന്
തിരുവനന്തപുരംഃ ജഗതി വാര്‍ഡ് യു.ഡി.എഫ് ഇലക്ഷന്‍ കമ്മിറ്റിയുടെ ആഭിമുഖ്യത്തില്‍ ഏപ്രില്‍ 14 ന് ജഗതിയില്‍ കുടുംബസംഗമം നടത്തും. യുഡിഎഫ് സ്ഥാനാര്‍ത്ഥി ഡോ.ശശിതരൂര്‍, കോണ്‍ഗ്രസ് പ്രവര്‍ത്തക സമിതി അംഗം എ.കെ.ആന്റണി, കെ.പി.സി.സി ആക്ടിംഗ് പ്രസിഡന്റ് എം.എം.ഹസ്സന്‍, വി.എസ്.ശിവകുമാര്‍, എന്‍.ശക്തന്‍, പാലോട് രവി, മറിയാമ്മ ഉമ്മന്‍ തുടങ്ങിയവര്‍ പങ്കെടുക്കും. കെ.വി.രാംകുമാര്‍ അധ്യക്ഷത വഹിക്കും.
