നടനും തിരക്കഥാകൃത്തും സംവിധായകനുമായ ശ്രീനിവാസന്റെ വിയോഗത്തില് കെപിസിസി പ്രസിഡന്റ് സണ്ണി ജോസഫ് അഗാധമായ ദുഖം രേഖപ്പെടുത്തി. മലയാളികള് നെഞ്ചിലേറ്റിയ അനുഗ്രഹീത കലാകാരനാണ് അദ്ദേഹം. 25 വര്ഷം മുമ്പിറങ്ങിയ സന്ദേശം പോലുള്ള സിനിമകള് ഇന്നും സമൂഹം ചര്ച്ച ചെയ്യുന്നു. സാധാരണ ജനങ്ങളുടെ ജീവല് പ്രശ്നങ്ങളെ ആക്ഷേഹാസ്യത്തിന്റെ മേമ്പൊടിയിട്ട് അവതരിപ്പിച്ച സൃഷ്ടികളെ ജനംഇരുകയ്യും നീട്ടി സ്വീകരിച്ചു. മറ്റുള്ളവരെ വിമര്ശിക്കുമ്പോള് അതിലും തീവ്രതയില് സ്വയം വിമര്ശിക്കാനും കളിയാക്കുമ്പോള് അതിലും ശക്തമായി സ്വയം കളിയാക്കാനും തയാറായ അപൂര്വ പ്രതിഭയായിരുന്നു അദ്ദേഹം. ഭാവനാ സമ്പന്നനായ ശ്രീനിവാസന്റെ സൃഷ്ടികള് മലയാളികള് എക്കാലവും മനസ്സില് സൂക്ഷിക്കുമെന്നും സണ്ണി ജോസഫ് അനുസ്മരിച്ചു.
