സിവിൽ സർവീസ് പരീക്ഷയിൽ ഉന്നതവിജയം കരസ്ഥമാക്കിയ എല്ലാ ഉദ്യോഗാർത്ഥികളെയും ഹൃദയപൂർവ്വം അഭിനന്ദിക്കുന്നു. ആദ്യ 150 റാങ്കുകളിൽ അഞ്ച് മലയാളികൾ ഇടംപിടിച്ചു എന്നത് സന്തോഷകരമായ കാര്യമാണ്. 18-ാം റാങ്ക് നേടിയ ആർ. ശ്രുതി, 57-ാം റാങ്ക് നേടിയ ജെ.എസ്. ശ്രീജ, 105-ാം റാങ്ക് നേടിയ ബി. ഗോപിക, 109-ാം റാങ്ക് നേടിയ അജയ് രാജ്, 133-ാം റാങ്ക് നേടിയ വി.സി. ശ്രീലക്ഷ്മി എന്നിവരും റാങ്ക്ലിസ്റ്റിൽ ഇടംപിടിച്ച മറ്റ് മലയാളികളും കേരളത്തിന്റെ യശസ്സുയർത്തിയിരിക്കുന്നു. കഠിനാധ്വാനത്തിലൂടെയും അർപ്പണബോധത്തിലൂടെയും ഈ നേട്ടം കൈവരിച്ച ഇവർക്ക് ജനപക്ഷത്തുനിന്നുകൊണ്ട് നാടിനെ സേവിക്കാൻ സാധിക്കട്ടെ എന്ന് ആശംസിക്കുന്നു.
