ഇരിഞ്ഞാലക്കുട : ക്രൈസ്റ്റ് കോളേജിലെ പ്രശസ്തനായ പൂര്വ്വ വിദ്യാര്ത്ഥിയും മണപ്പുറം ഫിനാന്സ് ചെയര്മാനും മാനേജിംഗ് ഡയറക്ടറുമായ വി പി നന്ദകുമാറിനെ കോളേജിന്റെ വാര്ഷിക പൂര്വ്വ വിദ്യാര്ത്ഥി സംഗമമായ അലുംനി മീറ്റ് 2026 ല് ആദരിച്ചു. പ്രൊഫഷണല് രംഗത്തെ അദ്ദേഹത്തിന്റെ സ്തുത്യര്ഹമായ നേട്ടങ്ങളാണ് ആദരിക്കപ്പെട്ടത്.
ചടങ്ങില് പുതിയ ക്ലാസ്റൂം ബ്ലോക്കിന്റേയും ക്രൈസ്റ്റ് ബയോളജിക്കല് റിസര്ച്ച് സെന്ററിന്റേയും ഉദ്ഘാടനം നന്ദകുമാര് നിര്വഹിച്ചു. കോളേജില് പുതിയ പഠന, ഗവേഷണങ്ങള്ക്കു സഹായകമാകുന്ന ഈ പദ്ധതികള്, മണപ്പുറം ഫൗണ്ടേഷന്, മണപ്പുറം ഫിനാന്സ് ലിമിറ്റഡ്, ലയൺസ് ക്ലബ്ബ് ഇന്റര്നാഷണല് ഫൗണ്ടേഷന് എന്നിവയുടെ സഹായത്തോടെയാണ് യാഥാര്ത്ഥ്യമാക്കിയത്.മണപ്പുറം ഫിനാൻസ് ലിമിറ്റഡ് സി.എസ്.ആർ ഫണ്ട് ഉപയോഗി ച്ച് സ്ഥാപിച്ചതാണ് ആധുനിക സൗകര്യങ്ങൾ ഉൾക്കൊള്ളുന്ന ക്രൈസ്റ്റ് ബയോളജിക്കൽ റിസർച്ച് സെന്റർ. ജീൻ സംബന്ധമായ ഗവേഷണത്തിന് അനുയോജ്യമായിട്ടാണ് റി സർച്ച് സെന്റർ സ്ഥാപിച്ചിരിക്കുന്നത്. ജനിതക മാറ്റവുമായി ബന്ധപ്പെട്ടുള്ള ഗവേഷണങ്ങളാണ് ഇവിടെ നടക്കുക.
കോളജ് മാനേജർ ഫാ. ജോയി പീണിക്കപ്പറമ്പിൽ, പ്രിൻസി പ്പാൾ ഫാ. ഡോ. ജോളി ആൻഡ്രൂസ്, ലാബ് ഡയറക്ടർ ഫാ. ഡോ. ജിജോ തട്ടിൽ, മണപ്പുറം ഫൗണ്ടേഷൻ സിഇഒ ജോർജ് ഡി ദാസ്, മണപ്പുറം ഫിനാൻസ് ചീഫ് പിആർഒ സനോജ് ഹെർബർട്ട് എന്നിവർ സന്നിഹിതരായിരുന്നു.
Asha Mahadevan
