കൊച്ചി: രാജ്യത്തെ ഖനന മേഖലയുടെ പര്യവേഷണം, ആസൂത്രണം, രൂപകൽപന, പാരിസ്ഥിതിക നിർവഹണം എന്നിവയിൽ സേവനം നൽകുന്ന പ്രമുഖ പൊതുമേഖലാ മിനിരത്ന സ്ഥാപനമായ സെൻട്രൽ മൈൻ പ്ലാനിംഗ് ആൻഡ് ഡിസൈൻ ഇൻസ്റ്റിറ്റ്യൂട്ട് ലിമിറ്റഡിന്റെ (സിഎംപിഡിഐ) പ്രാരംഭ ഓഹരി വിൽപന (ഐപിഒ) ഈമാസം 20ന് ആരംഭിക്കും. ഓഹരി ഒന്നിന് 2 രൂപ മുഖവിലയും 163 രൂപ മുതൽ 172 രൂപ പ്രൈസ് ബാൻഡും നിശ്ചയിച്ചിട്ടുണ്ട്. അപേക്ഷകർ കുറഞ്ഞത് 80 ഓഹരികൾ ബിഡ് ചെയ്യണം. തുടർന്ന് 80ന്റെ ഗുണിതങ്ങളായി ഓഹരികൾ വാങ്ങിക്കാം. കമ്പനി പ്രമോട്ടർമാരുടെ കൈവശമുള്ള 10.71 കോടി ഓഹരികൾ വിറ്റഴിക്കുന്നതിലൂടെ ഏകദേശം 1,842 കോടി രൂപ സമാഹരിക്കാനാണ് ലക്ഷ്യമിടുന്നത്. ഐപിഒ ഈമാസം 24ന് അവസാനിക്കുമെന്ന് കമ്പനി പുറത്തിറക്കിയ പത്രക്കുറിപ്പിൽ അറിയിച്ചു.
Photo Caption : ഐഡിബിഐ ക്യാപിറ്റൽ മാർക്കറ്റ്സ് ആൻഡ് സെക്യൂരിറ്റീസ് ലിമിറ്റഡ് എംഡിയും സിഇഒയുമായ കമൽ കാന്ത് ഉപാധ്യായ്, സിഎംപിഡിഐ ബിസിനസ് ഡവലപ്മെന്റ് വകുപ്പ് മേധാവി വിക്രാന്ത് ഗുപ്ത എന്നിവർ ഐപിഒ പ്രഖ്യാപന വേളയിൽ.
Sandra Joseph
