തിരുവനന്തപുരം: പുതിയ കേരളത്തിന്റെ പിറവിക്കായി എല്ലാ യുഡിഎഫ് സ്ഥാനാര്ത്ഥികളെയും വമ്പിച്ച ഭൂരിപക്ഷത്തില് വിജയിപ്പിക്കണമെന്ന് കോണ്ഗ്രസ് വര്ക്കിംഗ് കമ്മിറ്റിയംഗവും, പ്രചാരണസമിതിയധ്യക്ഷനുമായ രമേശ് ചെന്നിത്തല അഭ്യര്ത്ഥിച്ചു. നാളെ ഏപ്രില് ഒമ്പതിന് നടക്കുന്ന തെരഞ്ഞെടുപ്പ് കേരളത്തെ സംബന്ധിച്ചിടത്തോളം വിധിനിര്ണ്ണായകമാണ്.ഒരു ഭരണമാറ്റത്തിന് നാന്ദികുറിക്കേണ്ട തെരെഞ്ഞെടുപ്പാണിത്. പത്തുവര്ഷം നീണ്ട പിണറായി ഭുര്ഭരണത്തെില് നിന്നും കേരളത്തെ മോചിപ്പിക്കാനും ഐക്യജനാധിപത്യമുന്നണിയുടെ നേതൃത്വത്തിലുള്ള ജനപക്ഷസര്ക്കാരിനെ അധികാരത്തിലേറ്റാനുമുള്ള ചരിത്ര നിയോഗമാണ് കൈവന്നിരിക്കുന്നത്.
നമ്മുടെ നാടിനെ സമ്പൂര്ണ്ണമായും നശിപ്പിച്ച പിണറായി ഭരണത്തിനു അറുതിവരുത്താന് , കേരളത്തെ പുതിയ പ്രഭാതത്തിലേക്ക് കൈപിടിച്ചു നടത്താന് ഐക്യജനാധിപത്യമുന്നണിയുടെ നേതൃത്വത്തിലുള്ള സര്ക്കാര് ഉണ്ടാകേണ്ടത് അനിവാര്യമാണ്.
കേരളത്തിനെ സമഗ്ര പുരോഗതിയിലേക്ക് നയിക്കാനും കേരള ജനതയുടെ ക്ഷേമപ്രവര്ത്തനങ്ങള് ഉറപ്പുവരുത്താനുമായി നിരവധി പദ്ധതികളാണ് യുഡിഎഫ് ആവിഷ്കരിച്ച് മുന്നോട്ടുവെച്ചിരിക്കുന്നത്.
എല്ലാ കുടുംബങ്ങള്ക്കും 25 ലക്ഷം രൂപയുടെ സമഗ്ര ആരോഗ്യ ഇന്ഷുറന്സ് അതിലെ ഏറ്റവും ശ്രദ്ധേയമായ കാല്വെപ്പാണ്. പെന്ഷന് 3000 രൂപയായി വര്ദ്ധിപ്പിക്കുകയും അവരുടെ ക്ഷേമത്തിനായി പ്രത്യേക വകുപ്പ് രൂപീകരിക്കാനുമുള്ള വാഗ്ദാനവും കോളേജ് വിദ്യാര്ഥിനികള്ക്ക് പ്രതിമാസം ആയിരം രൂപ വീതം സഹായധനം നല്കും എന്നതും ഈ യുഡിഎഫ് ക്ഷേമത്തിന് എത്രമാത്രം ഊന്നല് നല്കുന്നു എന്നത് വ്യക്തമാക്കുന്നു.
യുവ സംരംഭകര്ക്ക് 5 ലക്ഷം രൂപ വരെ പലിശരഹിത വായ്പ, സ്ത്രീകള്ക്ക് സൗജന്യമായി കെഎസ്ആര്ടിസിയില് ബസ് യാത്ര തുടങ്ങി വളര്ച്ചയിലേക്കുള്ള ഒരു തുല്യ സമൂഹമാക്കി മാറ്റുവാന് ആവിഷ്കരിച്ചിരിക്കുന്ന പദ്ധതികള് നിരവധിയാണ്.
ഈ ക്ഷേമ സര്ക്കാര് നിലവില് വരുന്നതിന് എല്ലാ യുഡിഎഫ് സ്ഥാനാര്ത്ഥികളെയും വമ്പിച്ച ഭൂരിപക്ഷത്തില് വിജയിപ്പിക്കണമെന്ന് വിനയപുരസ്സരം ഒരോരുത്തരോടും അഭ്യര്ത്ഥിക്കുകയാണ്. കേരളത്തിലെ പ്രബുദ്ധരായ സമ്മതിദായകരുടെ പിന്തുണയോടുകൂടി യുഡിഎഫ് വന്വിജയം നേടുമെന്നും രമേശ് ചെന്നിത്തല ആത്മവിശ്വാസം പ്രകടിപ്പിച്ചു.
