കണ്ണൂർ: കണ്ണൂർ കുട്ടിയാട്ടൂരിൽ ചരക്കുവാഹനം സ്കൂട്ടറിലിടിച്ചുണ്ടായ അപകടത്തിൽ നാലുവയസ്സുകാരി മരിച്ചു. പാവന്നൂർ കടവ് മസ്ജിദിന് സമീപം വ്യാഴാഴ്ച രാത്രി 9 മണിയോടെയായിരുന്നു അപകടം.
റോഡരികിൽ പാർക്ക് ചെയ്തിരുന്ന സ്കൂട്ടറിലിരുന്ന തഷ്രീഫയാണ് മരിച്ചത്. ഗുരുതരമായി പരിക്കേറ്റ കുട്ടിയെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മാതാപിതാക്കളായ മുഹമ്മദ് സാജിദും മൈമൂനത്തും ചികിത്സയിലാണ്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്
