കൊച്ചി : ഇന്ത്യയിലെ മുൻനിര ഡിജിറ്റൽ കണ്ടന്‍റ് വിതരണ കമ്പനികളിലൊന്നായ ഡിഷ് ടി.വി. ഇന്ത്യ ലിമിറ്റഡ്, അവരുടെ ഡിജിറ്റൽ പ്ലാറ്റ്‌ഫോമായ വാച്ചോയിൽ “ഫ്ലിക്സ്” എന്ന പുതിയ ഒടിടി സെഗ്മെന്റ് അവതരിപ്പിച്ചു. വേവ്സ് 2025 എന്ന ദേശീയ ഉച്ചകോടിയിൽ ഔദ്യോഗികമായി പ്രകാശനം ചെയ്ത ഈ സേവനം, പ്രൊഫഷണൽ കണ്ടന്‍റ് സ്രഷ്ടാക്കൾക്കും ഉപഭോക്താക്കൾക്കും വേണ്ടിയുള്ള സമ്പൂർണ്ണ ഡിജിറ്റൽ സേവനമാണെന്ന് കമ്പനി അറിയിച്ചു.
ഫ്ലിക്സ്, പ്രൊഫഷണലുകൾക്ക് അവരുടെ സൃഷ്ടികൾ ദശലക്ഷക്കണക്കിന് പ്രേക്ഷകരിലേക്ക് എത്തിക്കാനും, അതിനോടൊപ്പം തന്നെ സൃഷ്ടിക്കുള്ള ഉടമസ്ഥാവകാശം നിലനിർത്തികൊണ്ട് വരുമാനം നേടാനുമുള്ള സൗകര്യമാണ് നൽകുന്നത്. ഓരോ സ്രഷ്ടാവിനും തങ്ങളുടെ സ്വന്തം OTT അനുഭവം ലഭിക്കുന്ന രീതിയിലാണ് ഫ്ലിക്സ് രൂപകൽപ്പന ചെയ്തിരിക്കുന്നത്.
ഉപഭോക്താക്കൾക്ക് പ്രാദേശികവും അന്താരാഷ്ട്രവുമായ ഭാഷകളിൽ സിനിമകളും വെബ് സീരീസുകളും ഹ്രസ്വ ഫോർമാറ്റിൽ ഉൾപ്പെടെ ക്യൂറേറ്റുചെയ്ത ഒറിജിനൽ കണ്ടന്‍റുകൾ ലഭ്യമാകും. 9 രൂപ മുതൽ തുടങ്ങിയ വിലയിൽ പ്രീമിയം വരെ ലഭ്യമാകും.
ഫ്ലിക്സ് ഉപയോക്താക്കൾക്ക് ആധുനിക, ഹൈപ്പർ-വ്യക്തിഗത, ക്യൂറേറ്റുചെയ്ത വിനോദ അനുഭവം ഉറപ്പാക്കുന്നു. സൗകര്യപ്രദമായ യൂസർ ഇന്റർഫേസ്, എ.ഐ. റെക്കമൻഡേഷൻ എൻജിൻ, മൾട്ടി-സ്ക്രീൻ പിന്തുണ തുടങ്ങിയ സാങ്കേതികമികവുകൾ കൂടി ഈ സേവനത്തിന്റെ വിശിഷ്ടതയാണ്.
“ഫ്ലിക്സ് ഒരു ഒടിടി സേവനത്തിന്റെ സാധാരണ പരിധികൾ മറികടക്കുകയാണ്. ഉപഭോക്തൃ ആവശ്യങ്ങൾ, സൃഷ്ടിയുടെ വ്യത്യസ്തത, അതിജീവനം, മൂല്യവത്തായ ഉള്ളടക്കം എന്നിവയുമായി കാഴ്ചപ്പാടുള്ള പുതിയ തലമുറയിലേക്ക് നയിക്കുന്ന കൽപനാപരമായ കുതിച്ചുചാട്ടമാണ് ഇത്. ഞങ്ങൾ പറയാത്ത കഥകൾക്കായി, അസ്സൽ ശൈലിയിലുള്ള നിർമ്മാണങ്ങൾക്കായി, അതിലുമുപരി ഓരോ സ്രഷ്ടാവിനും തങ്ങളുടെ ശബ്ദം സ്വതന്ത്രമായി അവതരിപ്പിക്കാൻ സാധ്യത നൽകുന്ന ഒരു വലിയ വേദിയാണിത്.” ഡിഷ് ടി.വി. ഇന്ത്യ ലിമിറ്റഡിന്റെ സി.ഇ.ഒ.യും എക്സിക്യൂട്ടീവ് ഡയറക്ടറുമായ ശ്രീ. മനോജ് ദോഭാൽ പ്രതികരിച്ചു.
ഫ്ലിക്സ് വെറുമൊരു ആഡ്-ഓൺ അല്ല; ഇത് വാച്ചോയുടെ അന്തസ്സും പ്രാസക്തതയും ഉയർത്തുന്ന ഒരു പരിവർത്തനപാടമാണ്. ഉപഭോക്താക്കളുടെ ആഗ്രഹങ്ങൾക്കും OTT മാർക്കറ്റിലെ മാറ്റങ്ങൾക്കും കൃത്യമായി പ്രതികരിക്കാനും ഫ്ലിക്സ് നന്നായി തയ്യാറാണ്. എന്ന് വാച്ചോയുടെ സിടിഒയും ബിസിനസ് ഹെഡുമായ ശ്രീ. വി.കെ. ഗുപ്തയും കൂട്ടിച്ചേർത്തു.
Anu Maria Thomas
