ജയ്ഹിന്ദ് ടിവി ന്യൂസ് ഇന് ചാര്ജ് സി.ആര്.മാത്യുവിന്റെ നിര്യാണത്തില് കെപിസിസി പ്രസിഡന്റ് സണ്ണി ജോസഫ് എംഎല്എ അനുശോചനം രേഖപ്പെടുത്തി.
മാധ്യമ പ്രവര്ത്തന രംഗത്ത് ദീര്ഘകാലത്തെ അനുഭവസമ്പത്തുണ്ടായിരുന്ന വ്യക്തിയാണ് മാത്യു.കൈകാര്യം ചെയ്യുന്ന വാര്ത്തകളിലും അദ്ദേഹത്തിന്റെ ആ സൂക്ഷ്മതയും പക്വതയും പ്രകടമായിരുന്നു.തിരുവനന്തപുരത്തെ മാധ്യമ പ്രവര്ത്തകരുടെ ഇടയിലെ സുപരിചിത മുഖങ്ങളിലൊന്നായിരുന്നു മാത്യുവിന്റേത്. മാധ്യമ മേഖലയ്ക്ക് സമര്പ്പിതമായ ജീവിതമായിരുന്ന മാത്യുവിന്റേത്. സത്യസന്ധവും നിര്ഭയവുമായി വാര്ത്തകള് അവതരിപ്പിക്കാന് മാത്യു പുലര്ത്തിയ ജാഗ്രത മാധ്യമ മേഖലയിലെ മറ്റുള്ളവര്ക്കും മാതൃകയാണ്.എക്കാലവും കോണ്ഗ്രസ് ആശയങ്ങള് മുറുകെ പിടിച്ച് പ്രവര്ത്തിച്ച മാധ്യമപ്രവര്ത്തകനായിരുന്നു. മാര് ഇവാനിയോസ് കോളേജിലെ പഴയകാല കെഎസ് യു നേതാവിന്റെ പോരാട്ട വീര്യം ജീവിതാവസാനം വരെ കെടാതെ സൂക്ഷിച്ച വ്യക്തികൂടിയാണ് മാത്യു.
മാത്യുവിന്റെ വേര്പാടില് വേദനിക്കുന്ന സഹപ്രവര്ത്തകരുടെയും കുടുംബാംഗങ്ങളുടെയും ദുഖത്തില് പങ്കുചേരുന്നു.
