തിരുവനന്തപുരം : എച്ച്എൽഎൽ ലൈഫ്കെയർ ലിമിറ്റഡിന്റെ പേരൂർക്കട ഫാക്ടറിയിലെ എൽപിജി സ്റ്റോറേജ് കേന്ദ്രത്തിൽ ഇന്ന് (ഏപ്രിൽ 30) വൈകിട്ട് 6.30-ന് മോക്ക് ഡ്രിൽ നടക്കും. അടിയന്തര സാഹചര്യങ്ങളെ നേരിടുന്നതിനുള്ള പ്രതിരോധ സംവിധാനങ്ങളുടെയും അഗ്നിശമന സംവിധാനങ്ങളുടെയും കാര്യക്ഷമത പരിശോധിക്കുന്നതിന്റെ ഭാഗമായാണ് മോക്ക് ഡ്രിൽ സംഘടിപ്പിക്കുന്നത്. ഫയർ ആൻഡ് റെസ്ക്യൂ സർവീസ്, പൊലീസ്, ഫാക്ടറീസ് ആൻഡ് ബോയിലേഴ്സ് വകുപ്പ്, കേരള സംസ്ഥാന മലിനീകരണ നിയന്ത്രണ ബോർഡ് എന്നിവയ്ക്ക് പുറമെ സമീപത്തെ ആശുപത്രികളും വ്യവസായ സ്ഥാപനങ്ങളും മോക്ക് ഡ്രില്ലിന്റെ ഭാഗമാകും. ഇതിന്റെ ഭാഗമായി ഫാക്ടറി പരിസരത്ത് സൈറൺ മുഴങ്ങുന്നതിനും ഫയർഫോഴ്സ്, ആംബുലൻസ് വാഹനങ്ങളുടെ നീക്കത്തിനും സാധ്യതയുണ്ട്. ഇതിൽ പ്രദേശവാസികളും പൊതുജനങ്ങളും പരിഭ്രാന്തരാകേണ്ടതില്ലെന്ന് അധികൃതർ അറിയിച്ചു. കേന്ദ്ര ആരോഗ്യ-കുടുംബക്ഷേമ മന്ത്രാലയത്തിന് കീഴിലുള്ള മിനിരത്ന പൊതുമേഖലാ സ്ഥാപനമാണ് എച്ച്എല്എല്.
Vishnuprasad K P
