കൊച്ചി : മാർച്ച് 31ന് അവസാനിച്ച സാമ്പത്തികവർഷത്തെ നാലാം പാദത്തിൽ 661 കോടി രൂപ അറ്റാദായം നേടി മോത്തിലാൽ ഓസ്വാൾ. മുൻ വർഷത്തെ സമാനപാദത്തെ അപേക്ഷിച്ച് ലാഭത്തിൽ 25 ശതമാനമാണ് വർധനവ്. ഏതെങ്കിലുമൊരു പാദത്തിൽ കമ്പനി നേടുന്ന ഉയർന്ന അറ്റാദായമാണിത്. വാർഷിക കണക്കെടുപ്പിൽ ലാഭം 16 ശതമാനം വർധിച്ച് 2360 കോടി രൂപയിലെത്തി. കമ്പനി കൈകാര്യം ചെയ്യുന്ന അസറ്റ് മാനേജ്മന്റ്, ക്യാപിറ്റൽ മാർക്കറ്റ്, ഹൗസിംഗ് ഫിനാൻസ് വെൽത്ത് മാനേജ്മന്റ് വിഭാഗങ്ങൾ മികച്ച വളർച്ചയാണ് രേഖപ്പെടുത്തിയത്. നാലാം പാദത്തിൽ അസറ്റ് മാനേജ്മന്റ് വിഭാഗം 63 ശതമാനം വർധനവ് നേടി 249 കോടി രൂപയിലെത്തി. സ്വകാര്യ വെൽത്ത് മാനേജ്മന്റ് മേഖലയിൽ 88 കോടി രൂപയും മൂലധന വിപണിയിൽ 75 കോടി രൂപയുമാണ് ലാഭം. ഹൗസിംഗ് ഫിനാൻസ് മേഖല 61 ശതമാനം വർധനവോടെ 59 കോടി രൂപ രേഖപ്പെടുത്തി.
Julie John
