മുന്പ്രധാനമന്ത്രി രാജീവ് ഗാന്ധിയുടെ രക്തസാക്ഷിത്വ ദിനമായ മെയ് 21ന് രാവിലെ 10ന് കെപിസിസി ആസ്ഥാനത്ത് മുഖ്യമന്ത്രി വിഡി സതീശന്റെ നേതൃത്വത്തില് രാജീവ് ഗാന്ധിയുടെ ചിത്രത്തില് പുഷ്പാര്ച്ചനയും തുടര്ന്ന് അനുസ്മരണ പ്രഭാഷണവും നടത്തുമെന്ന് കെപിസിസി സംഘടനാ ചുമതലയുള്ള ജനറല് സെക്രട്ടറി നെയ്യാറ്റിന്കര സനല് അറിയിച്ചു.
കെപിസിസി പ്രസിഡന്റും മന്ത്രിയുമായ സണ്ണി ജോസഫിന്റെ അധ്യക്ഷതയില് നടക്കുന്ന അനുസ്മരണ സമ്മേളനത്തില് ആഭ്യന്തരമന്ത്രി രമേശ് ചെന്നിത്തല,മുന് കെപിസിസി പ്രസിഡന്റുമാര്, കെപിസിസി വര്ക്കിംഗ് പ്രസിഡന്റുമാര്,മന്ത്രിമാര്,എംപിമാര്,എംഎല്എമാര്, കെപിസിസി ഭാരവാഹികള് തുടങ്ങിയവര് പങ്കെടുക്കും.ജില്ലാ കോണ്ഗ്രസ് കമ്മറ്റികളുടെയും മണ്ഡലം കോണ്ഗ്രസ് കമ്മിറ്റികളുടെയും നേതൃത്വത്തിലും അനുസ്മരണ സമ്മേളനങ്ങള് നടത്തുമെന്നും നെയ്യാറ്റിന്കര സനല് പറഞ്ഞു.
