കോട്ടയം: ലോക സൈക്കിൾ ദിനത്തിന്റെ ഭാഗമായി കോട്ടയത്ത് സംഘടിപ്പിച്ച സൈക്കിൾ റാലി അഭിമാനകരമായ അനുഭവമായി മാറി. രാവിലെ 6.30ന് ആരംഭിച്ച പരിപാടിയിൽ ഏകദേശം 150-ഓളം പേർ പങ്കെടുത്തു.
എം.എൽ.എ ചാണ്ടി ഉമ്മൻ, കോട്ടയം ജില്ലാ കളക്ടർ എന്നിവരുടെ സാന്നിധ്യം പരിപാടിക്ക് കൂടുതൽ പ്രാധാന്യം നൽകി. കേരള സൈക്കിൾ ഡീലേഴ്സ് അസോസിയേഷന്റെ നേതൃത്വത്തിൽ, സംസ്ഥാന വൈസ് പ്രസിഡന്റ് ശ്രീ റോയ് ജോസിയുടെ നേതൃത്വത്തിലാണ് റാലി സംഘടിപ്പിച്ചത്.
ലോക സൈക്കിൾ ദിനാചരണം കഴിഞ്ഞാലും, സൈക്കിളിന്റെ പ്രാധാന്യം സമൂഹത്തിൽ കൂടുതൽ ശക്തമായി പ്രചരിക്കേണ്ടതുണ്ടെന്ന് സംഘാടകർ അഭിപ്രായപ്പെട്ടു. ആരോഗ്യകരമായ ജീവിതശൈലിയും പരിസ്ഥിതി സംരക്ഷണവും ഉറപ്പാക്കാൻ സൈക്കിൾ ഉപയോഗം വ്യാപകമാക്കണമെന്ന് അവർ ആഹ്വാനം ചെയ്തു.
ആരോഗ്യ സംരക്ഷണം, പരിസ്ഥിതി മലിനീകരണം കുറയ്ക്കൽ, കൂടാതെ ഉയരുന്ന ഇന്ധനവിലയ്ക്ക് ഒരു പരിസ്ഥിതി സൗഹൃദ പരിഹാരമായി സൈക്കിളിന്റെ പ്രാധാന്യം വീണ്ടും സമൂഹത്തിന് ഓർമ്മിപ്പിക്കുന്നതായിരുന്നു പരിപാടിയുടെ ലക്ഷ്യം.
