കൊച്ചി: ബാങ്കിങ് രംഗത്തെ അതികായനും ഫെഡറൽ ബാങ്ക് മുൻ എംഡിയും സിഇഒയുമായ ശ്യാം ശ്രീനിവാസൻ രചിച്ച ഓർമ്മക്കുറിപ്പുകളുടെ സമാഹാരം ‘ബെറ്റർ നെവർ സ്റ്റോപ്പ്’ കൊച്ചിയിൽ പ്രകാശനം ചെയ്തു. ആഗോള പ്രശസ്ത ബാങ്കിങ് സ്ഥാപനമായ സ്റ്റാൻഡേർഡ് ചാർട്ടേർഡ്, സിറ്റി ബാങ്ക്, ഫെഡറൽ ബാങ്ക് എന്നിവയുടെ തലപ്പത്ത് പ്രവർത്തിച്ച ശ്യാം ശ്രീനിവാസന്റെ മൂന്ന് പതിറ്റാണ്ട് കാലത്തെ അനുഭവ സമ്പത്തിന്റെയും നേതൃ പദവിലെത്തിയ അർപ്പണബോധത്തിന്റെയും നേർസാക്ഷ്യമാണ് പുസ്തകം. ധനകാര്യ മേഖലയോടൊപ്പം ക്രിക്കറ്റിനെയും സ്നേഹിക്കുന്ന ശ്യാം ശ്രീനിവാസൻ, രചനയിലുടനീളം ഉപമകളെ ക്രിക്കറ്റുമായി ബന്ധപ്പെടുത്തിയിട്ടുണ്ട്. ബാങ്കിങ് മേഖലയിലെ തന്ത്രങ്ങളും അപ്രതീക്ഷിത പ്രതിസന്ധികളും വിജയകരമായി കൈകാര്യം ചെയ്ത് പരിചയമുള്ള നേതാവിനോട് നേരിട്ട് സംസാരിക്കുന്നത് പോലെയുള്ള വായനാനുഭൂതിയാണ് പുസ്തകം സമ്മാനിക്കുന്നത്. ബാങ്കിങ് പ്രൊഫെഷണലുകൾക്കുപുറമെ, ഔദ്യോഗിക ജീവിതത്തിൽ ദിശാബോധം വളർത്തേണ്ടവർക്കും ഒരുപോലെ ഉപകാരപ്രദമാണ് പുസ്തകം.
കൊച്ചിയിൽ നടന്ന ചടങ്ങിൽ ഏലിയാസ് ജോർജ്, ചെയർപേഴ്സൺ, ഫെഡറൽ ബാങ്ക് , സി. ബാലഗോപാൽ, ചെയർപേഴ്സൺ, കെ.എസ്.ഐ.ഡി.സി (KSIDC), ജോർജ്ജ് അലക്സാണ്ടർ മുത്തൂറ്റ്, മാനേജിംഗ് ഡയറക്ടർ, മുത്തൂറ്റ്, കെ. എൻ. രാഘവൻ, മുൻ ഇന്ത്യൻ ക്രിക്കറ്റ് അമ്പയർ എന്നിവർ പുസ്തക ചർച്ച നടത്തി. ചടങ്ങിൽ ബിസിനസ്- വ്യവസായ മേഖലകളിലെ പ്രമുഖരും ചടങ്ങിൽ പങ്കെടുത്തു. രാജ്യത്തെ പ്രമുഖ ബുക്സ്റ്റാളുകളിലും ആമസോൺ, ഫ്ലിപ്കാർട്ട് എന്നീ ഓൺലൈൻ പ്ലാറ്റുഫോമുകളിലും പുസ്തകം ലഭ്യമാണ്.
Photo Caption 1: ശ്യാം ശ്രീനിവാസൻ തന്റെ “ബെറ്റർ നെവർ സ്റ്റോപ്സ്” എന്ന പുസ്തകം കൊച്ചിയിൽ പ്രകാശനം ചെയ്യുന്നു
Photo Caption 2: ഏലിയാസ് ജോർജ്, ചെയർപേഴ്സൺ, ഫെഡറൽ ബാങ്ക്, ശ്യാം ശ്രീനിവാസൻ, സി. ബാലഗോപാൽ, ചെയർപേഴ്സൺ, കെ.എസ്.ഐ.ഡി.സി, ജോർജ്ജ് അലക്സാണ്ടർ മുത്തൂറ്റ്, മാനേജിംഗ് ഡയറക്ടർ, മുത്തൂറ്റ് എന്നിവർ പുസ്ത ചർച്ചയിൽ
Athulya K R
