യുഡിഎഫ് സര്ക്കാരിന്റെ തെരഞ്ഞെടുപ്പ് വാഗ്ദാനമായ സ്ത്രീകള്ക്കും ട്രാന്സ്ജെന്ഡര് വിഭാഗത്തില്പ്പെട്ടവര്ക്കുമുള്ള സൗജന്യ കെഎസ്ആര്ടിസി ബസ് യാത്രാ പദ്ധതിയായ പ്രിയദര്ശിനി ജൂണ് 15 തിങ്കളാഴ്ച നടപ്പിലാകുമ്പോള് അത് ജനങ്ങളിലെത്താന് അടിയന്തര നടപടികള് സ്വീകരിക്കണമെന്ന് സംഘടനാ ചുമതലയുള്ള കെപിസിസി ജനറല് സെക്രട്ടറി നെയ്യാറ്റിന്കര സനല് പാര്ട്ടി ഘടകങ്ങള്ക്ക് ആറിന നിര്ദേശം നല്കി.
എല്ലാ ജില്ലാ കോണ്ഗ്രസ് കമ്മിറ്റികളും ബ്ലോക്ക് മണ്ഡലം കമ്മിറ്റികളും പ്രത്യേക പ്രചാരണ പരിപാടികള് സംഘടിപ്പിക്കണം,ബസ് സ്റ്റാന്ഡുകള്, ടൗണ് കേന്ദ്രങ്ങള് തുടങ്ങിയ ഇടങ്ങളില് വിശദീകരണ പരിപാടികള് സംഘടിപ്പിക്കണം,മഹിളാ കോണ്ഗ്രസ്, യൂത്ത് കോണ്ഗ്രസ്, കെഎസ് യു പ്രവര്ത്തകര് പ്രത്യേക സ്ക്വഡുകള് രൂപീകരിച്ച് പ്രചാരണ പ്രവര്ത്തനം നടത്തണം,വാര്ഡ് തലത്തില് വിശദീകരണ യോഗങ്ങളും ഗൃഹസമ്പര്ക്ക പരിപാടികളും നടത്തണം,പ്രധാന കേന്ദ്രങ്ങളില് ബോര്ഡുകള് സ്ഥാപിക്കണം.സമൂഹ മാധ്യമങ്ങളിലൂടെ വ്യാപകമായ പ്രചാരണം നടത്തണം,പദ്ധതി ഉദ്ഘാടനം ചെയ്യുന്ന ജൂണ് 15ന് നിയോജക മണ്ഡലം തലത്തില് പരമാവധി സ്ത്രീകളുടെ പങ്കാളിത്തം ഉറപ്പാക്കണം തുടങ്ങിയവാണ് നിർദ്ദേശങ്ങൾ.യുഡിഎഫ് സര്ക്കാര് ഒന്നൊന്നായി വാഗ്ദാനങ്ങള് പാലിച്ചു മുന്നോട്ടുപോകുകയാണെന്ന സന്ദേശം കേരളമൊട്ടാകെ എത്തിക്കാന് പാര്ട്ടി സംവിധാനമൊന്നാകെ മുന്നോട്ടുവരണമെന്ന് നെയ്യാറ്റിന്കര സനല് അഭ്യര്ത്ഥിച്ചു.
