ബോയിൽ ഹൈറ്റ്സ് : ലോസ് ആഞ്ചലസിലെ ബോയിൽ ഹൈറ്റ്സ് പ്രദേശത്തെ ഒരു വലിയ വാണിജ്യ ഗോഡൗൺ കെട്ടിടത്തിൽ ബുധനാഴ്ച ഉച്ചയ്ക്ക് വൻ തീപിടിത്തമുണ്ടായി. കെട്ടിടത്തിന്റെ മേൽക്കൂരയിലെ സോളാർ പാനലുകളിലാണ് തീപിടിത്തം ആരംഭിച്ചതെന്ന് അധികൃതർ അറിയിച്ചു. തീപിടിത്തത്തെ തുടർന്ന് കനത്ത കറുത്ത പുക ആകാശത്തേക്ക് ഉയർന്നു. സമീപ പ്രദേശവാസികൾ വീടുകൾക്കുള്ളിൽ തന്നെ തുടരാനും വാതിലുകളും ജനലുകളും അടച്ചിടാനും അധികൃതർ നിർദേശം നൽകി.
തീ അപകടം കെട്ടിടത്തിനുള്ളിലെ അമോണിയ സംവിധാനത്തെ ബാധിക്കുമോയെന്ന ആശങ്ക തുടക്കത്തിൽ ഉണ്ടായിരുന്നെങ്കിലും പിന്നീട് അപകടസാധ്യത ഒഴിവാക്കിയതായി അഗ്നിശമന സേന അറിയിച്ചു. മണിക്കൂറുകൾ നീണ്ട പരിശ്രമത്തിനൊടുവിൽ മേൽക്കൂരയിലെ തീ നിയന്ത്രണവിധേയമാക്കിയതായി അധികൃതർ വ്യക്തമാക്കി. സംഭവത്തിൽ പരിക്കുകളോ മരണങ്ങളോ റിപ്പോർട്ട് ചെയ്തിട്ടില്ല
