കേരളകൗമുദിയുടെ ഡെപ്യൂട്ടി എഡിറ്ററും ബ്യൂറോ ചീഫും കലാകൗമുദിയുടെ എഡിറ്ററുമായിരുന്ന മുതിര്ന്ന മാധ്യമപ്രവര്ത്തകന് എന് ആര് എസ് ബാബുവിന്റെ നിര്യാണത്തിലൂടെ പ്രതിഭാധനനും നിര്ഭയനുമായ ഒരു പത്രപ്രവര്ത്തകനെയാണ് കേരളത്തിന് നഷ്ടമായതെന്ന് മുന് കെപിസിസി പ്രസിഡന്റ് എംഎം ഹസന്.
തിരുവനന്തപുരം പ്രസ് ക്ലബ്ബ് ജേര്ണലിസം ഇന്സ്റ്റിറ്റ്യൂട്ടിന്റെ ഡയറക്ടറായി പ്രവര്ത്തിച്ച എന് ആര്എസ് ബാബു ഒട്ടേറെ മാധ്യമപ്രവര്ത്തകരെ വാര്ത്തെടുത്ത പ്രിയപ്പെട്ട ഗുരുനാഥന് കൂടിയാണ്. സാഹിത്യം ശാസ്ത്രം രാഷ്ട്രീയം തുടങ്ങി സൂര്യനു കീഴിലുള്ള ഏത് വിഷയത്തെക്കുറിച്ചും അഗാധമായ അറിവുണ്ടായിരുന്ന അദ്ദേഹത്തെ വാക്കിംഗ് എന്സൈക്ലോപീഡിയ എന്നാണ് സുഹൃത്തുക്കളും സഹപ്രവര്ത്തകരും വിശേഷിപ്പിച്ചിരുന്നത്. തനിക്ക് നീണ്ടകാലമായി സൗഹൃദം പുലര്ത്താന് കഴിഞ്ഞിരുന്ന എന് ആര് എസിന്റെ നിര്യാണം അദ്ദേഹത്തിന്റെ കുടുംബത്തിന് എന്നപോലെ എനിക്കും വ്യക്തിപരമായ നഷ്ടമാണ്. എന് ആര് എസിന്റെ നിര്യാണത്തില് എന്റെ അഗാധമായ ദുഃഖം രേഖപ്പെടുത്തുന്നുവെന്നും എംഎം ഹസന് പറഞ്ഞു.
—
