ഞാൻ അപ്പോഴേ പറഞ്ഞതല്ലേ… നമ്മുടെ മക്കളാണ് അവരുടെ ലക്ഷ്യമെന്ന്. കഴിഞ്ഞ ദിവസം കാസർകോട് നിന്ന് മിഠായി കവറുകളിലാക്കി കടത്താൻ ശ്രമിച്ച നിരോധിത ലഹരി ഉൽപ്പന്നമായ ‘കൂൾ’ (Cool Lip) ആണ് ഓപ്പറേഷൻ തൂഫാൻ പിടികൂടിയത് . സ്കൂൾ കുട്ടികളെ ലക്ഷ്യമിട്ട്, സാധാരണ മിഠായിയാണെന്ന് കരുതി അവർ ഇത് ഉപയോഗിക്കട്ടെ എന്ന ക്രൂരമായ ചിന്തയോടെയാണ് മാഫിയ ഇത് തയ്യാറാക്കിയത്. ഈ ലഹരി മാഫിയയോട് എനിക്ക് ഒന്നേ ചോദിക്കാനുള്ളൂ… നിങ്ങളുടെ സ്വന്തം മക്കൾക്ക് നിങ്ങൾ ഇതുപോലെ കൊടുക്കുമോ? ഇല്ലല്ലോ! പിന്നെന്തിനാണ് മറ്റുള്ളവരുടെ മക്കളെ ഇങ്ങനെ കൊന്നുതിന്നുന്നത്? പണമുണ്ടാക്കാൻ വേണ്ടി മാത്രം ഒരു തലമുറയെയാകെ ഇരുട്ടിലേക്ക് തള്ളിവിടുന്ന ഈ മാഫിയയുടെ വേരറുക്കുക തന്നെയാണ് ഈ ‘തൂഫാൻ ദി നാർക്കോ ഹണ്ടിന്റെ’ ലക്ഷ്യം.
പ്രിയപ്പെട്ട മാതാപിതാക്കളോട് ഞാൻ ഒരു കാര്യം അഭ്യർത്ഥിക്കട്ടെ – നിങ്ങൾ അതീവ ജാഗ്രത പുലർത്തേണ്ട ഘട്ടമാണ് ഇത് . കുട്ടികളോട് തുറന്നു സംസാരിക്കാനും, കാവലാളുകളായ പോലീസിനെ പൂർണ്ണമായും വിശ്വസിച്ച് ഒപ്പം നിൽക്കാനും നമുക്ക് കഴിയണം ഇത്തരം കെണികളെ എങ്ങനെ തിരിച്ചറിയണമെന്നും അവയിൽ നിന്ന് എങ്ങനെ അകന്നു നിൽക്കണമെന്നും നമ്മുടെ കുട്ടികളെ കൃത്യമായി വഴിനടത്താൻ നമ്മളും തയ്യാറാകേണ്ടതുണ്ട്. ഈ പോരാട്ടത്തിൽ നമ്മൾ ഒന്നിച്ചു തന്നെ ഉണ്ടാകും
കാസർകോട് നിന്ന് മിഠായി കവറുകളിലാക്കി കടത്താൻ ശ്രമിച്ച നിരോധിത ലഹരി ഉൽപ്പന്നമായ ‘കൂൾ’ (Cool Lip) ആണ് ഓപ്പറേഷൻ തൂഫാൻ പിടികൂടിയത് .
