ഡാളസ്: ഡാളസ് കേരള ലിറ്റററി സൊസൈറ്റിയുടെ വാർഷിക കുടുംബ സംഗമവും പിക്നിക്കും ( ഗാർലൻഡിലെ വൺ ഇലവൻ റാഞ്ച് പാർക്കിൽ വച്ച് പ്രൗഢഗംഭീരമായി നടന്നു. ജൂലൈ 25 ശനിയാഴ്ച രാവിലെ 10:30 മുതൽ ആരംഭിച്ച ചടങ്ങിൽ നിരവധി അംഗങ്ങളും കുടുംബാംഗങ്ങളും പങ്കെടുത്തു.
ഡാളസ് ഫോർട്ട് വർത്തിൽ നിന്നും നിരവധി പ്രവാസികൾ പങ്കെടുത്ത ചടങ്ങിൽ സ്നേഹവിരുന്നും ആവേശകരമായ കലാ-കായിക പരിപാടികളും സംഘടിപ്പിച്ചിരുന്നു. “സസ്നേഹം ഒരു ഊണ്” എന്ന പ്രമേയത്തിൽ ഒരുക്കിയ പരമ്പരാഗത വിഭവം ചടങ്ങിന് മാറ്റുകൂട്ടി. കുട്ടികൾക്കും മുതിർന്നവർക്കുമായി സംഘടിപ്പിച്ച വിവിധ വിനോദ മത്സരങ്ങൾ, കഥപറച്ചിൽ, കവിതാലാപനം എന്നിവ പങ്കെടുത്തവർക്ക് വേറിട്ടൊരു അനുഭവമായി മാറി.
സൊസൈറ്റി ഭാരവാഹികളായ പ്രസിഡന്റ് അനശ്വർ മാമ്പിള്ളി,സെക്രട്ടറി ബാജി ഓടംവേലി, സാറാ ചെറിയാൻ, സി വി ജോർജ് ,ഉഷ നായർ, നിമ്മി ,പി സി മാത്യു,ഷിജു എബ്രഹാം, സിജു വി ജോർജ് ,സന്തോഷ് പിള്ള എന്നിവർ പരിപാടികൾക്ക് നേതൃത്വം നൽകി. ഡാളസിലെ മലയാളി സമൂഹത്തിന്റെ സാംസ്കാരിക സൗഹാർദ്ദം വിളിച്ചോതുന്നതായിരുന്നു ഈ വർഷത്തെ പിക്നിക്കെന്ന് ഭാരവാഹികൾ അറിയിച്ചു.
