കാനഡ: അന്താരാഷ്ട്ര വിദ്യാർത്ഥികളെയും താൽക്കാലിക വിസയിലുള്ളവരെയും ആശങ്കയിലാക്കുന്ന പ്രസ്താവനയുമായി ആൽബർട്ട പ്രീമിയർ ഡാനിയേൽ സ്മിത്ത്. സ്ഥിരതാമസ (Permanent Residency) പദവി ലഭിക്കാതെ വിദ്യാർത്ഥി വിസയോ മറ്റ് താൽക്കാലിക വിസകളോ കാലാവധി കഴിഞ്ഞാൽ കാനഡയിൽ തുടരാൻ അവകാശമില്ലെന്നും, അത്തരം സാഹചര്യത്തിൽ സ്വന്തം രാജ്യത്തേക്ക് മടങ്ങണമെന്നും സ്മിത്ത് വ്യക്തമാക്കി.
ആൽബർട്ടിന് സ്വന്തം സാമ്പത്തിക ആവശ്യങ്ങൾക്ക് അനുയോജ്യമായ വിദഗ്ധ തൊഴിലാളികളെ തിരഞ്ഞെടുക്കുന്നതിൽ കൂടുതൽ അധികാരം ലഭിക്കണമെന്നും അവർ ആവശ്യപ്പെട്ടു. നിലവിലെ കുടിയേറ്റ സംവിധാനത്തിൽ കൂടുതൽ പ്രവിശ്യാ നിയന്ത്രണം വേണമെന്ന നിലപാടും അവർ ആവർത്തിച്ചു.