കുവൈറ്റ്: കുവൈറ്റ് ടൗൺ മലയാളി ക്രിസ്ത്യൻ കോൺഗ്രിഗേഷന്റെ (കെ.ടി.എം.സി.സി) മുൻ പ്രസിഡന്റും ഹോംലാൻഡ് ഫാമിലി കോൺഫറൻസിന്റെ പ്രസിഡന്റുമായിരുന്ന ജോൺ മാത്യു നിര്യാതനായി.
കുവൈറ്റിലെ ബ്രദറൻ അസംബ്ലി സഭകളുടെ എൽഡറായും അദ്ദേഹം സേവനം അനുഷ്ഠിച്ചിരുന്നു. മികച്ച സംഘാടകനും വ്യവസായിയുമായിരുന്ന ജോൺ മാത്യു, മനുഷ്യസ്നേഹിയും സജീവ സാമൂഹിക പ്രവർത്തകനുമായിരുന്നു.
കെ.ടി.എം.സി.സിയുടെ വിവിധ പ്രവർത്തനങ്ങൾക്ക് നേതൃത്വം നൽകിയ അദ്ദേഹം കുവൈറ്റിലെ മലയാളി ക്രൈസ്തവ സമൂഹത്തിൽ ശ്രദ്ധേയമായ സേവനമാണ് കാഴ്ചവച്ചത്. ഹോംലാൻഡ് ഫാമിലി കോൺഫറൻസിന്റെ പ്രവർത്തനങ്ങളിലും അദ്ദേഹത്തിന്റെ നേതൃത്വവും സേവനവും വിലപ്പെട്ട സംഭാവനയായി സ്മരിക്കപ്പെടും.
ജോൺ മാത്യുവിന്റെ വേർപാട് കുടുംബാംഗങ്ങൾക്കും സഭാ സമൂഹത്തിനും കുവൈറ്റിലെ മലയാളി ക്രൈസ്തവ സമൂഹത്തിനും തീരാനഷ്ടമാണ്.
സംസ്കാര ശുശ്രൂഷകളുടെ വിശദാംശങ്ങൾ പിന്നീട്.
