വാഷിംഗ്ടൺ: ഫിഫ പ്രസിഡന്റ് ജിയാനി ഇൻഫാന്റിനോയിൽ നിന്ന് അമേരിക്കൻ പ്രസിഡന്റ് ഡൊണാൾഡ് ട്രംപിന് ലഭിച്ച ലോകകപ്പ് ഫൈനൽ മത്സരത്തിന്റെ വിവിഐപി ടിക്കറ്റുകൾ വൈറ്റ് ഹൗസിലെ ഏറ്റവും ചർച്ചാവിഷയമായി മാറുന്നു. ജൂലൈ 19-ന് ന്യൂജേഴ്സിയിലെ മെറ്റ്ലൈഫ് സ്റ്റേഡിയത്തിൽ നടക്കുന്ന കലാശപ്പോരാട്ടം കാണാൻ 10 വിശിഷ്ട ടിക്കറ്റുകളാണ് ട്രംപിന് ലഭിച്ചിട്ടുള്ളത്.
കഴിഞ്ഞ ഓഗസ്റ്റിൽ ഓവൽ ഓഫീസ് സന്ദർശനവേളയിൽ ഇൻഫാന്റിനോ ട്രംപിന് ഒരു ഭീമൻ ടിക്കറ്റ് മാതൃക സമ്മാനിച്ചിരുന്നു, ഇതിന് പിന്നാലെയാണ് യഥാർത്ഥ ടിക്കറ്റുകൾ ലഭിച്ചത്. ഈ വിലയേറിയ ടിക്കറ്റുകൾ ട്രംപിന്റെ കുടുംബാംഗങ്ങൾക്കും ഏതാനും ഉന്നത വൈറ്റ് ഹൗസ് ഉദ്യോഗസ്ഥർക്കും ലഭിക്കാനാണ് സാധ്യതയെന്ന് റിപ്പോർട്ടുകൾ വ്യക്തമാക്കുന്നു.
ട്രംപിന്റെ സാമ്പത്തിക വെളിപ്പെടുത്തൽ പ്രകാരം, കഴിഞ്ഞ വർഷം മെറ്റ്ലൈഫ് സ്റ്റേഡിയത്തിൽ നടന്ന ഫിഫ ക്ലബ് ലോകകപ്പ് ഫൈനലിനും ഇൻഫാന്റിനോ ട്രംപിന് 10 ടിക്കറ്റുകൾ സമ്മാനിച്ചിരുന്നു, അവയ്ക്ക് 15,000 ഡോളറായിരുന്നു മൂല്യം. എന്നാൽ വരാനിരിക്കുന്ന ലോകകപ്പ് ഫൈനൽ ടിക്കറ്റുകളുടെ മൂല്യം ഇതിന്റെ എത്രയോ ഇരട്ടിയായിരിക്കുമെന്നാണ് വിലയിരുത്തൽ.
