ബേബി മെമ്മോറിയൽ ഹോസ്പിറ്റലും മൈത്ര ഹോസ്പിറ്റലും വിആർ ആർഎക്സ് തെറാപ്യൂടിക്സുമായി ചേർന്ന് പങ്കാളിത്തം

ബേബി മെമ്മോറിയൽ ഹോസ്പിറ്റലും മൈത്ര ഹോസ്പിറ്റലും വിആർ ആർഎക്സ് തെറാപ്യൂടിക്സുമായി ചേർന്ന് പങ്കാളിത്തം
കോഴിക്കോട്: ബേബി മെമ്മോറിയൽ ഹോസ്പിറ്റൽ, ഫങ്ഷണൽ പ്രിസിഷൻ ഓങ്കോളജി പ്ലാറ്റ്ഫോമായ ട്യൂമർസിമിലിസ് അവതരിപ്പിക്കുന്നതിന് വിആർആർഎക്സ് തെറാപ്യൂട്ടിക്സ് പ്രൈവറ്റ് ലിമിറ്റഡുമായി പങ്കാളിത്തം പ്രഖ്യാപിച്ചു.
ഓങ്കോളജി വിഭാഗം നവ കാൻസർ ഇൻസ്റ്റിറ്റ്യൂട്ട് വഴി, കേരളത്തിലെ ബിഎംഎച്ച് ഗ്രൂപ്പിന്റെ ആശുപത്രികളിലുടനീളം ഈ സൗകര്യം ലഭ്യമാവും പരമ്പരാഗത ‘പ്രിസിഷൻ ഓങ്കോളജി’ (Precision oncology) രീതിയിൽ, ഒരു ട്യൂമറിന്റെ ജനിതക ഘടന പരിശോധിക്കുകയും അതിൽ ഏതെല്ലാം മരുന്നുകൾ ഫലപ്രദമാകുമെന്ന് അനുമാനിക്കുകയും ചെയ്യുന്നു. എന്നാൽ ‘ഫങ്ഷണൽ പ്രസിഷൻ ഓങ്കോളജി വ്യത്യസ്തമായ ഒരു സമീപനമാണ് സ്വീകരിക്കുന്നത്:
രോഗിയുടെ ശരീരത്തിൽ നിന്നുള്ള ട്യൂമർ കലകളുടെ (Tissue) ചെറിയൊരു ഭാഗം ലബോറട്ടറിയിൽ വളർത്തുകയും, വിവിധ കാൻസർ വിരുദ്ധ മരുന്നുകളും മരുന്ന് കൂട്ടായ്മകളും ഉപയോഗിച്ച് അവയിൽ നേരിട്ട് പരീക്ഷണം നടത്തുകയും ചെയ്യുന്നു. ജനിതക പരിശോധനയിലൂടെ ലഭിക്കുന്ന നിഗമനങ്ങൾക്ക് പകരം, ആ പ്രത്യേക രോഗിയുടെ ട്യൂമർ കോശങ്ങൾ യഥാർത്ഥത്തിൽ എങ്ങനെ പ്രതികരിക്കുന്നു എന്നതാണ് ഇതിലൂടെ വ്യക്തമാകുന്നത്. ചികിത്സാ തീരുമാനങ്ങൾ എടുക്കുന്നതിൽ സഹായിക്കുന്നതിനുള്ള അധിക
വിവരങ്ങളായാണ് ഈ ഫലങ്ങൾ ചികിത്സാ സംഘത്തിന് നൽകുന്നത്. ചികിത്സ സംബന്ധിച്ച അന്തിമ തീരുമാനങ്ങൾ രോഗിയുടെ ഓങ്കോളജിസ്റ്റിലും ആശുപത്രിയുടെ ട്യൂമർ ബോർഡിലുമാണ് തുടർന്നും നിക്ഷിപ്തമായിരിക്കുന്നത്.
“മൂന്നോ അതിലധികമോ ചികിത്സാരീതികളിലൂടെ കടന്നുപോയ രോഗികൾക്ക്, മാർഗ്ഗനിർദ്ദേശങ്ങൾ കാലഹരണപ്പെട്ടുവെന്നതാണ് വാസ്തവം
അവിടെയാണ് ഈ സാങ്കേതികവിദ്യ സഹായിക്കുന്നത് – ഒരു രോഗശമനം വാഗ്ദാനം ചെയ്യുന്നതിനപ്പുറം ഓങ്കോളജിസ്റ്റുകൾക്ക് കൂടുതലായി, തെളിവുകൾ
അടിസ്ഥാനമാക്കിയുള്ള ഇൻപുട്ട് നൽകുകയാണ് . ഓരോ കേസിലും ട്യൂമർ ബോർഡ് മേൽനോട്ടം ഉൾച്ചേർത്തുകൊണ്ട്, ശ്രദ്ധാപൂർവ്വം നിയന്ത്രിക്കുന്ന ഒരു പ്രോഗ്രാമായി ഞങ്ങൾ ഇത് രൂപപ്പെടുത്തിയിട്ടുണ്ട്, പുതിയ സാങ്കേതികവിദ്യ ക്ലിനിക്കൽ പ്രാക്ടീസിൽ പ്രവേശിക്കുന്നത് അങ്ങനെയാണ് .മികച്ച റിസൾട്ടിലേക്ക് നയിക്കാൻ അതു സഹായകമാവും ” ഡോ. കെ ജി അലക്സാണ്ടർ (ചെയർമാൻ & എം ഡി ) ബേബി മെമ്മോറിയൽ ഹോസ്പിറ്റൽ പറഞ്ഞു.

ഡോ അനന്ത് മോഹൻ പൈ ( ക്ലസ്റ്റർ സി .ഇ .ഓ) ബേബി മെമ്മോറിയൽ ഹോസ്പിറ്റൽ, ഇഷാൻ ജഗൻ വിവിആർഎക്സ് തെറാപ്യൂടി ( ഫൗണ്ടർ),ഡോ നിഹാജ് മുഹമ്മദ് (സി ഇ ഓ മൈത്ര ഹോസ്പിറ്റൽ ),ഡോ ജിജോ വി ചെറിയാൻ (മെഡിക്കൽ ഡയറക്റ്റർ മൈത്ര) ,ഡോ അരുൺ മാത്യു (ഡപ്യൂട്ടി .സി എം .എസ്),ഡോ നിതിൻ രാജ് കൺസൾട്ടന്റ് മെഡിക്കൽ ഓങ്കോളജി ( നവ കാൻസർ ഇൻസ്റ്റിറ്റ്യൂട്ട്), രവീഷ് ജർവാൾ ( നവ കാൻസർ ഇൻസ്റ്റിറ്റ്യൂട്ട്) എന്നിവർ പങ്കെടുത്തു.

Anu Maria Thomas