തൊഴില് മേഖലയിലെ രാജ്യാന്തര വിദഗ്ദ്ധരുമായി സംവദിക്കാന് അപൂര്വ അവസരം
തിരുവനന്തപുരം : കോവിഡ് 19 മഹാമാരി ആഗോളതൊഴില് വിപണിയിലേല്പ്പിച്ച ആഘാതങ്ങള് സൂക്ഷ്മമായി വിലയിരുത്തി, വിദഗ്ദ്ധ മേഖലയില് കേരളത്തിലെ മാനവവിഭവശേഷിക്ക് വഴികാട്ടാന് നോര്ക്ക വകുപ്പ് സംഘടിപ്പിക്കുന്ന ഓവര്സീസ് എംപ്ലോയേഴ്സ് കോണ്ഫറന്സിന് ഒരുക്കങ്ങള് പൂര്ത്തിയാക്കിയതായി നോര്ക്ക പ്രിന്സിപ്പല് സെക്രട്ടറി ഡോ.കെ.ഇളങ്കോവന്, നോര്ക്ക റസിഡന്റ് വൈസ് ചെയര്മാന് കെ.വരദരാജന്, ചീഫ് എക്സിക്യൂട്ടീവ് ഓഫീസര് കെ.ഹരികൃഷ്ണന് നമ്പൂതിരി എന്നിവര് വാര്ത്താസമ്മേളനത്തില് അറിയിച്ചു. ഒക്ടോബര് 12 ചൊവ്വാഴ്ച രാവിലെ ഒമ്പതു മുതല് ഓണ്ലൈനായും നിയമസഭാ മന്ദിരത്തിലെ ശങ്കരനാരായണന് തമ്പി ഹാളിലുമായാണ് സമ്മേളനം നടക്കുന്നത്.കോവിഡാനന്തര ലോകത്തെ നൂതന തൊഴില് സാധ്യതകള് തിരിച്ചറിയാനും പുതിയ മേഖലകളിലേക്ക് വെളിച്ചം വീശാനും ലക്ഷ്യമിട്ടുള്ള സുപ്രധാന ചുവടുവയ്പ്പാണ് സംഗമം. അന്താരാഷ്ടതലത്തില് പ്രവര്ത്തിക്കുന്ന വിദഗ്ദ്ധരടക്കമുള്ളവര് സമ്മേളനത്തില് സംബന്ധിക്കും.സൗദി അറേബ്യ, യു.എ.ഇ, ഖത്തര്, ബഹ്റൈന് എന്നീ നാല് രാജ്യങ്ങളിലെ അംബാസിഡര്മാര് സമ്മേളനത്തെ അഭിസംബോധന ചെയ്യുന്നവരില്പ്പെടുന്നു. കുവൈത്ത്, ജപ്പാന്, ജര്മനി എന്നിവടങ്ങളിലെ മുതിര്ന്ന നയതന്ത്ര പ്രതിനിധികള്, വിദേശകാര്യ മന്ത്രാലയയം ഉദ്യോഗസ്ഥര്, പ്രൊട്ടക്ടര് ഓഫ് എമിഗ്രന്റ്സ്, ഇന്ത്യയിലെയും വിദേശരാജ്യങ്ങളിലെയും തൊഴില്ദാതാക്കള്, റിക്രൂട്ടിംഗ് ഏജന്സികള്, റീജണല് പാസ്പോര്ട്ട് ഓഫീസര്മാര്, പോലീസ് ഉദ്യോഗസ്ഥര്, മുതിര്ന്ന സംസ്ഥാന സര്ക്കാര് ഉദ്യോഗസ്ഥര് തുടങ്ങിയവര് അണിനിരക്കുന്ന ‘ഒ.എം.സി-2021′ രാജ്യത്തെ തന്നെ പ്രഥമ സംരംഭമാണ്.
പുതിയ വിപണികള് – ജര്മ്മനി, ജപ്പാന്’ എന്ന വിഷയത്തില് ഉച്ചയ്ക്ക് മൂന്നിന് പാനല് ചര്ച്ച നടക്കും. ജപ്പാന് എംബസി ഡി.സി.എം മായങ്ക് ജോഷി, വിദേശകാര്യ മന്ത്രാലയം ജോയന്റ് സെക്രട്ടറി അബ്ബാഗാനി രാമു, സെക്കന്റ് സെക്രട്ടറി, ഹെഡ് ഓഫ് ചാന്സറി ആന്ഡ് എക്കണോമിക് ആന്ഡ് കൊമേര്ഷ്യല് സാകേട്ട രാജ മുസിനിപ്പള്ളി, അലക്സാണ്ടര് വില്ഹിം (ചീഫ്-ഫെഡറല് എംപോയ്മെന്റ് ഏജന്സി ബെര്ലിന്, ജക്തമനി), ജപ്പാന് ബിസിനസ്സ് ഡയറക്ടര് ഹിതഹിതോ ജയ് അരക്. എന്നിവര് സംബന്ധിക്കും.കുടിയേറ്റക്കാര് നേരിടുന്ന പ്രശ്നങ്ങള് എന്ന തലക്കെട്ടില് 4.15ന് നടക്കുന്ന സെഷനില് പ്രോട്ടക്ടര് ഓഫ് എമിഗ്രന്റ്സ്, റീജണല് പാസ്പോര്ട്ട് ഓഫീസര്, പോലീസ് ഉദ്യോഗസ്ഥര്, മുതര്ന്ന സംസ്ഥാന സര്ക്കാര് ഉദ്യോഗസ്ഥര് തുടങ്ങിയവര് സംബന്ധിക്കും.5.15ന് തുടങ്ങുന്ന സമാപന സെഷനില് സ്പീക്കര് എം.ബി.രാജേഷ് മുഖ്യാതിഥിയായിരിക്കും.ഫെഡറേഷന് ഓഫ് ഇന്ത്യന് ചേംബേഴ്സ് ഓഫ് കൊമേഴ്സ് ആന്ഡ് ഇന്ഡസ്ട്രിയുടെ (ഫിക്കി) പങ്കാളിത്തത്തോടെയാണ് സമ്മേളനം ഒരുക്കുന്നത്.ശങ്കരനാരായണന് തമ്പി ഹാളില് കോവിഡ് പ്രോട്ടോക്കോള് പാലിച്ചുകൊണ്ട് ക്ഷണിക്കപ്പെട്ടവര്ക്കാണ് പ്രവേശനം. ഓണ്ലൈന് സമ്മേളനത്തില് പങ്കെടുക്കാന്https://registrations.ficci.com/ficoec/online-registrationi.asp എന്ന ലിങ്കില് ആര്ക്കും സൗജന്യമായി രജിസ്റ്റര് ചെയ്യാവുന്നതാണ്. കൂടുതല് വിവരങ്ങള്ക്ക് : 0484-4058041 / 42, മൊബൈല്: 09847198809. ഇ- മെയില് : kesc@ficci.com.