പത്തനംതിട്ട: ജില്ലാതല ട്രാന്സ്ജെന്ഡര് ജസ്റ്റിസ്ബോര്ഡ് പുനസംഘടിപ്പിക്കുന്നതിനായുള്ള പാനല് ലിസ്റ്റ് സര്ക്കാരിന് സമര്പ്പിച്ചു. ട്രാന്സ്ജെന്ഡര് കമ്മ്യൂണിറ്റിയില് നിന്നുള്ള ഏഴ് പേരും ഈ മേഖലയില് പ്രാവീണ്യമുള്ള സാമൂഹ്യപ്രവര്ത്തകരായ രണ്ട് എന്.ജി.ഒ പ്രതിനിധികളുടേയും ലിസ്റ്റ് ആണ് സമര്പ്പിച്ചത്.സമര്പ്പിച്ച ലിസ്റ്റില് നിന്നും നാല് ട്രാന്സ്ജെന്ഡഴ്സിനെയും ഒരു എന്.ജി.ഒ പ്രതിനിധിയെയുമാണ് അംഗങ്ങളാക്കുന്നത്. ട്രാന്സ്ജെന്ഡഴ്സിനായി ക്ഷേമ പ്രവര്ത്തനങ്ങള് ഏകോപിപ്പിക്കുന്നതിനും കാര്യക്ഷമമായി നടപ്പിലാക്കുന്നതിനുമായി സംസ്ഥാന ട്രാന്സ് ജെന്ഡര് പോളിസി പ്രകാരമാണ് ജില്ലാതല ട്രാന്സ്ജെന്ഡര് കമ്മ്യൂണിറ്റി രൂപികരിച്ചത്.
ജില്ലാ കളക്ടര് ഡോ. ദിവ്യാ എസ്. അയ്യര് യോഗത്തിന് അധ്യക്ഷത വഹിച്ച ചടങ്ങില് ജില്ലാ സോഷ്യല് ജസ്റ്റിസ് ഓഫീസര് ഏലിയാസ് തോമസ്, വിദ്യാഭ്യാസ, ആരോഗ്യ, പോലീസ് വകുപ്പ് ഉദ്യോഗസ്ഥരും നിലവിലെ ബോര്ഡ് അംഗങ്ങളും യോഗത്തില് പങ്കെടുത്തു.
