ന്യൂയോർക്ക്: ന്യൂയോർക്ക് പോലീസ് ഡിപ്പാർട്ട്മെന്റ് (NYPD) ഉദ്യോഗസ്ഥയായ അരിയാന റെയസ്-ഗോമസിനെ കുത്തിക്കൊലപ്പെടുത്തിയ കേസിൽ ഭർത്താവ് അർഗെനിസ് ബേസിന് കോടതി 24 വർഷത്തെ തടവ് ശിക്ഷ വിധിച്ചു. ജയിൽ ശിക്ഷയ്ക്ക് പുറമെ 5 വർഷത്തെ നിരീക്ഷണ കാലാവധിയും കോടതി ഉത്തരവിട്ടിട്ടുണ്ട്.
എൻ.വൈ.പി.ഡിയിലെ ട്രാൻസിറ്റ് വിഭാഗത്തിൽ ഡ്യൂട്ടിയിലില്ലാതിരുന്ന സമയത്താണ് അരിയാന റെയസ്-ഗോമസ് ക്രൂരമായി കൊലചെയ്യപ്പെടുന്നത്. ബ്രോങ്ക്സിലുള്ള അപ്പാർട്ട്മെന്റിൽ വെച്ച് ഭർത്താവ് അർഗെനിസ് ബേസ് ഇവരെ നിരവധി തവണ കുത്തി പരിക്കേൽപ്പിക്കുകയായിരുന്നു. അരിയാനയുടെ 3 വയസ്സുകാരനായ മകൻ ഈ സമയത്ത് നഗരത്തിലുണ്ടായിരുന്നില്ല.
2019 ലാണ് അരിയാന റെയസ്-ഗോമസ് എൻ.വൈ.പി.ഡിയിൽ സേവനമാരംഭിക്കുന്നത്. ചുരുങ്ങിയ കാലം കൊണ്ട് തന്നെ ധീരതയ്ക്കും കർത്തവ്യനിഷ്ഠയ്ക്കും പേരുകേട്ട ഉദ്യോഗസ്ഥയായി അവർ മാറി. ചുറ്റുമുള്ളവരോട് കാണിച്ച കരുണയും ദയയും കാരണം സഹപ്രവർത്തകരും പ്രിയപ്പെട്ടവരും ഒരു “മാലാഖ”യെപ്പോലെയാണ് അരിയാനയെ ഓർമ്മിക്കുന്നത്.
