തെന്നല ബാലകൃഷ്ണപിള്ള അനുസ്മരണം സംഘടിപ്പിച്ചു
കോണ്ഗ്രസ് തറവാട്ടിലെ കാരണവരായിരുന്നു തെന്നല ബാലകൃഷ്ണപിള്ളയെന്ന് മുഖ്യമന്ത്രി വിഡി സതീശന്. മുന് കെപിസിസി പ്രസിഡന്റ് തെന്നല ബാലകൃഷ്ണപിള്ളയുടെ ഒന്നാം ചരമ വാര്ഷികത്തോട് അനുബന്ധിച്ച് കെപിസിസി ആസ്ഥാനത്ത് നടന്ന പുഷ്പാര്ച്ചനയ്ക്ക് ശേഷം അനുസ്മരണ സമ്മേളനം ഉദ്ഘാടനം ചെയ്തു പ്രസംഗിക്കുക ആയിരുന്നു അദ്ദേഹം.
കോണ്ഗ്രസ് പ്രവര്ത്തകരുടെ ഹൃദയത്തില് ഇടം നേടിയ നേതാവ്. പരിഭവമില്ലാതെ എല്ലാകാലത്തും കോണ്ഗ്രസിന് വേണ്ടി നിലകൊണ്ട അദ്ദേഹം സൗമ്യശീലനായിരുന്നു. പ്രശ്നപരിഹാരത്തിന് തെന്നല എന്ന ഫോര്മുല തന്നെ ഒരുകാലത്ത് കോണ്ഗ്രസിലുണ്ടായിരുന്നു. എല്ലാവരും ഒരു പോലെ അംഗീകരിച്ചിരുന്ന നേതാവ്. എല്ലാവര്ക്കും നീതി ഉറപ്പാക്കാന് അദ്ദേഹം പ്രയത്നിച്ചു.എന്നും പാര്ട്ടിയോട് വിധേയത്വം പുലര്ത്തിയ നേതാവാണ്. ഒരിക്കലും പ്രസ്ഥാനത്തിന് വെല്ലുവിളി ഉയര്ത്താന് തയ്യാറാകാതിരുന്ന അദ്ദേഹത്തിന്റെ ശൈലി ഓരോ കോണ്ഗ്രസ് പ്രവര്ത്തകനും മാതൃകയാണെന്നും മുഖ്യമന്ത്രി പറഞ്ഞു.
ലാളിത്യത്തിന്റെയും വിനയത്തിന്റെയും ഉദാഹരണമാണ് തെന്നല ബാലകൃഷ്ണപിള്ളയെന്ന് കെപിസിസി പ്രസിഡന്റും വൈദ്യുതി മന്ത്രിയുമായ സണ്ണി ജോസഫ് അനുസ്മരണ സമ്മേളനത്തില് അധ്യക്ഷത വഹിച്ചുകൊണ്ട് അഭിപ്രായപ്പെട്ടു. കോണ്ഗ്രസിന്റെ എല്ലാതലങ്ങളിലും പ്രവര്ത്തിച്ച നേതാവാണ് അദ്ദേഹം.പൊതുസ്വീകാര്യനായ അദ്ദേഹത്തെ കേരളീയ സമൂഹം വലിയ ആദരവോടെയാണ് നോക്കി കണ്ടിരുന്നതെന്നും സണ്ണി ജോസഫ് പറഞ്ഞു.
കോണ്ഗ്രിലെ അനുനയത്തിന്റെ പര്യായമായിരുന്നു തെന്നല ബാലകൃഷ്ണപിള്ളയെന്ന് ആഭ്യന്തരമന്ത്രി രമേശ് ചെന്നിത്തല. ആരോടും വിദ്വേഷവും പരിഭവുമില്ലാതെ പാര്ട്ടിയെ ശക്തിപ്പെടുത്താന് നേതൃത്വം നല്കിയ നേതാവ്. നിര്ണ്ണായക ഘട്ടത്തിലെല്ലാം അദ്ദേഹത്തിന്റെ നേതൃത്വം പാര്ട്ടിയില് എല്ലാവരും അംഗീകരിച്ചിരുന്നു. പക്ഷം പിടിക്കാതെ എല്ലാവരെയും ചേര്ത്ത് നിര്ത്താന് അദ്ദേഹത്തിന് കഴിഞ്ഞിരുന്നുവെന്നും രമേശ് ചെന്നിത്തല പറഞ്ഞു.
മുന് കെപിസിസി പ്രസിഡന്റുമാരായ എംഎം ഹസന്, വിഎം സുധീരന്, മന്ത്രികൂടിയായ കെ.മുരളീധരന്, കോണ്ഗ്രസ് പ്രവര്ത്തകസമിതി അംഗം കൊടിക്കുന്നില് സുരേഷ് എംപി, കെപിസിസി സംഘടനാ ചുമതലയുള്ള ജനറല് സെക്രട്ടറി നെയ്യാറ്റിന്കര സനല് എന്നിവര് സംസാരിച്ചു. കെപിസിസി വര്ക്കിംഗ് പ്രസിഡന്റുമാരായ മന്ത്രി എപി അനില്കുമാര്, മന്ത്രി പിസി വിഷ്ണുനാഥ്, ഷാഫി പറമ്പില് എംപി,രാഷ്ട്രീയകാര്യ സമിതി അംഗങ്ങള്, കെപിസിസി ഭാരവാഹികള്,മന്ത്രിമാര്, എംപിമാര്,എംഎല്എമാര്,ഡിസിസി പ്രസിഡന്റുമാര് തുടങ്ങിയവര് പങ്കെടുത്തു.
മുന്മന്ത്രി കെ എം മാണിയുടെ മരുമകനും കേരള കോണ്ഗ്രസ് നേതാവുമായിരുന്ന റിട്ട. ഐ എ എസ് ഉദ്യോഗസ്ഥന് എംപി ജോസഫ് ചടങ്ങില്വെച്ച് കോണ്ഗ്രസ് അംഗത്വം കെപിസിസി പ്രസിഡന്റ് സണ്ണി ജോസഫില് നിന്ന് സ്വീകരിച്ചു.
