ജയില് ഓഫീസേഴ്സ് മീറ്റിന് ശേഷം ആഭ്യന്തരമന്ത്രി രമേശ് ചെന്നിത്തല തിരുവനന്തപുരത്ത് മാധ്യമങ്ങളോട് പറഞ്ഞത്.
തിരുവനന്തപുരം: രാഷ്ട്രീയ കാരണങ്ങളാല് പരോള് നല്കുകയോ നീട്ടിക്കൊണ്ടുപോകുകയോ ചെയ്യില്ല. തടവുകാരുടെ ന്യായമായ പരോളുകള് നിഷേധിക്കില്ല. പക്ഷേ രാഷ്ട്രീയ കാരണങ്ങളാല് തടവുകാര്ക്ക് അനാവശ്യമായ പരോളുകള്, പലതും കോടതിയില് നിന്നാണ് കിട്ടുന്നത്. ജയില് ഉപദേശക സമിതികള് റെക്കമെന്ഡ് ചെയ്തു വന്നിട്ടുള്ള പല കേസുകളുമുണ്ട്. അത് സാധാരണ അവധിയാണ്, പരോളല്ല. ന്യായമായ തടവുകാര്ക്ക് കിട്ടേണ്ട അവകാശമാണ് ഈ അവധി. തടവുകാരുടെ ന്യായമായ അവകാശങ്ങള് സംരക്ഷിക്കുകയും ചെയ്യും. അതാണ് ഗവണ്മെന്റിന്റെ നിലപാട്.
ജയിലുകള് മുന്നോട്ടു പോകുന്ന സന്ദര്ഭമാണ്. ജയില് പുള്ളികള് തന്നെ ഉണ്ടാക്കുന്ന വസ്തുക്കള് വിറ്റഴിക്കാനുള്ള സംവിധാനം ഉണ്ടാവണം.
അതുപോലെതന്നെ നിങ്ങള്ക്കറിയാം ചപ്പാത്തി യൂണിറ്റുകള്, പെട്രോള് പമ്പുകള് അതൊക്കെ നല്ല നിലയില് നടത്തിക്കൊണ്ടുപോകുന്നുണ്ട്. ആ പണം ഉപയോഗിച്ചുകൊണ്ട് ജയിലിന്റെ വികസനം നടത്തുന്നുണ്ട്. ബാക്കിയുള്ള പണം ഗവണ്മെന്റിലേക്ക് അടയ്ക്കുന്നുണ്ട്. അങ്ങനെ ജയിലിന്റെ പ്രവര്ത്തനം കൂടുതല് മെച്ചപ്പെടുത്താനുള്ള നിര്ദ്ദേശങ്ങളാണ് ഇന്നത്തെ യോഗത്തില് ഉയര്ന്നുവന്നത്. ജയിലിലെ അന്തേവാസികള്, തടവ് പുള്ളികള് ഇവര്ക്കൊക്കെ ബുദ്ധിമുട്ടുണ്ടാക്കാതെ അതേസമയം നിയമങ്ങള് പാലിച്ചുകൊണ്ട് മുന്നോട്ടുപോകാന് വേണ്ടിയിട്ടുള്ള നടപടികള് സ്വീകരിക്കാനുള്ള കാര്യങ്ങളാണ് ചര്ച്ച ചെയ്തത്. ഇന്നത്തെ മീറ്റിംഗ് വളരെ ഫലപ്രദമായി. ഭാവിയില് ജയിലുകളുടെ സുരക്ഷിതത്വം വര്ദ്ധിപ്പിക്കാനും ജയില് പുള്ളികളുടെ പുനരധിവാസം ഉള്പ്പെടെയുള്ള കാര്യങ്ങളെപ്പറ്റി ആലോചിക്കാനും ഒക്കെയുള്ള സമഗ്രമായ ഒരു പദ്ധതിയെപ്പറ്റിയാണ് ആലോചിക്കുന്നത്. ജയില് മാനുവല് പരിഷ്കരണം, ജയില് റൂള്സിലെ പരിഷ്കരണം ഈ രണ്ടു പ്രധാനപ്പെട്ട കാര്യങ്ങള് ആഭ്യന്തര വകുപ്പ് അത് പ്രത്യേകമായി പരിശോധിക്കാനും തീരുമാനിച്ചു. ജയില് ചാട്ടം അന്വേഷിക്കാനുള്ള കമ്മിറ്റിയുടെ കാലാവധി മൂന്നു മാസം കൂടി നീട്ടി കൊടുത്തിട്ടുണ്ട്. ജസ്റ്റിസ് രാമചന്ദ്രന് നായരും ജേക്കബ് പുന്നൂസും അടങ്ങുന്ന രണ്ടംഗ കമ്മിറ്റിയാണിത്.
പോലീസ് ആഭ്യന്തര വകുപ്പ് നടത്തുന്ന ‘ഓപ്പറേഷന് തൂഫാന്’ വലിയ നല്ല നിലയിലാണ് മുന്നോട്ടു പോകുന്നത്. പോലീസ്, എക്സൈസ്, വിദ്യാഭ്യാസ വകുപ്പ്, ആരോഗ്യ വകുപ്പ് എന്നിവര് ചേര്ന്നാണ് ഇത് നടത്തുന്നത്. അതിന് മാധ്യമങ്ങളുടെ പൂര്ണ്ണ സഹകരണം ഞങ്ങള്ക്ക് ആവശ്യമാണ്.
ഫോട്ടോക്യാപ്ഷന്
* ജയില് ആസ്ഥാന കാര്യാലയത്തിലെത്തിയ ആഭ്യന്തര മന്ത്രി രമേശ് ചെന്നിത്തലയെ ഡയറക്ടര് ജനറല് ഓഫ് പ്രിസണ്സ് & കറക്ഷണല് ബല്റാം കുമാര് ഉപാദ്ധ്യായ സ്വീകരിക്കുന്നു
* ജയില് ആസ്ഥാന കാര്യാലയത്തില് ആഭ്യന്തര മന്ത്രി രമേശ് ചെന്നിത്തല ജയില് വകുപ്പിലെ ഉന്നത ഉദ്യോഗസ്ഥരുമായി നടത്തിയ ചര്ച്ച
