തിരുവനന്തപുരം : കേന്ദ്ര ആരോഗ്യ-കുടുംബക്ഷേമ മന്ത്രാലയത്തിന് കീഴിലുള്ള മിനിരത്ന പൊതുമേഖലാ സ്ഥാപനമായ എച്ച്എൽഎൽ ലൈഫ്കെയർ ലിമിറ്റഡ് (എച്ച്എൽഎൽ) ലോക രക്തദാന വാരത്തോടനുബന്ധിച്ച് ബൈക്ക് റാലി സംഘടിപ്പിച്ചു. രക്തദാനത്തിന്റെ പ്രാധാന്യം പൊതുജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് ബൈക്ക് റാലി സംഘടിപ്പിച്ചത്. എച്ച്എൽഎൽ ആക്കുളം ഫാക്ടറിയിൽ നിന്ന് ആരംഭിച്ച റാലി എച്ച്എൽഎൽ ഡയറക്ടർ (ടെക്നിക്കൽ ആൻഡ് ഓപ്പറേഷൻസ്) ബെന്നി ജോസഫ് ഫ്ലാഗ് ഓഫ് ചെയ്തു. എച്ച്എൽഎൽ ഡയറക്ടർ (മാർക്കറ്റിംഗ്) അജിത് എൻ. സന്നിഹിതനായിരുന്നു. ഇതോടൊപ്പം വിപുലമായ രക്തദാന ക്യാമ്പും, ‘ബ്ലഡ് ബാഗ് സേഫ് ഫോറം’ ടീമിന്റെ നേതൃത്വത്തിൽ പ്രത്യേക ബോധവൽക്കരണ ക്ലാസും സംഘടിപ്പിച്ചു. ചടങ്ങിൽ എച്ച്എൽഎൽ കമ്പനിയിലെ മുതിർന്ന ഉദ്യോഗസ്ഥരടക്കമുള്ള ജീവനക്കാർ സജീവമായി പങ്കെടുത്തു. പ്രതിവർഷം 12.5 കോടി സിംഗിൾ ബ്ലഡ് ബാഗ് യൂണിറ്റുകൾ ഉൽപ്പാദിപ്പിക്കാൻ ശേഷിയുള്ള ഇന്ത്യയിലെ ഏറ്റവും വലിയ ബ്ലഡ് ബാഗ് നിർമ്മാണശാലകളിലൊന്നാണ് തിരുവനന്തപുരത്തെ എച്ച്എൽഎൽ ആക്കുളം ഫാക്ടറി.
Sandra Joseph
