ലോക പരിസ്ഥിതിദിനാചരണത്തിന്റെ ഭാഗമായി ഫെഡറൽ ബാങ്ക് ജീവനക്കാർ ആലുവ ഗവണ്മെന്റ് ജില്ലാ ആശുപത്രി പരിസരം ശുചീകരിച്ചു. ബാങ്കിന്റെ ആലുവയിലുള്ള ഹെഡ് ഓഫീസിൽ സേവനമനുഷ്ഠിക്കുന്ന അൻപതിലധികം ജീവനക്കാർ ബുധനാഴ്ച നടത്തിയ ശുചീകരണ പ്രവർത്തനങ്ങളിൽ പങ്കെടുത്തു.
ബാങ്കിന്റെ സാമൂഹിക പ്രതിബദ്ധതാ പ്രവർത്തനങ്ങളുടെയും പാരിസ്ഥിതിക മൂല്യങ്ങളുടെയും ഭാഗമായാണ് ശുചീകരണപ്രവർത്തനം സംഘടിപ്പിച്ചതെന്ന് ബാങ്കിന്റെ സി എസ് ആർ ഹെഡ് ആയ ഷാജി കെ വി പറഞ്ഞു. ‘നമ്മുടെ ഭൂമി, നമ്മുടെ ഡ്യൂട്ടി’ എന്ന പേരിൽ സമാനമായ പാരിസ്ഥിതിക പ്രവർത്തനങ്ങൾ ജീവനക്കാരുടെ നേതൃത്വത്തിൽ ഇന്ത്യയൊട്ടാകെ ഏറ്റെടുത്ത് നടപ്പിലാക്കുന്നുണ്ടെന്നും അദ്ദേഹം കൂട്ടിച്ചേർത്തു.
ശുചീകരണപ്രവർത്തനത്തിന് ആലുവ പരിസ്ഥിതി സംരക്ഷണ സംഘം പ്രവർത്തകർ മാർഗ്ഗനിർദ്ദേശങ്ങൾ നൽകി പങ്കാളികളായി.
രാവിലെ ഏഴുമണിയ്ക്കു തുടങ്ങിയ ശുചീകരണ പ്രവർത്തനം പത്തുമണിയോടെ സമാപിച്ചു. താലൂക്ക് ആശുപത്രി സൂപ്രണ്ട് ഡോ. സ്മിജി ജോർജ്ജ് ചിറമൽ ബാങ്കിനും ജീവനക്കാർക്കും കൃതജ്ഞത അറിയിച്ചു.
Photo Caption: ലോക പരിസ്ഥിതിദിനാചരണത്തിന്റെ ഭാഗമായി ഫെഡറൽ ബാങ്ക് ജീവനക്കാർ ആലുവ ജില്ലാ ആശുപത്രിയിൽ പരിസര ശുചീകരണ പ്രവർത്തനങ്ങൾ സംഘടിപ്പിച്ചു
Athulya K R
