തൃശൂർ : ലോക രക്തദാന ദിനത്തോടനുബന്ധിച്ച് ആഗോള ജ്വല്ലറി ഗ്രൂപ്പായ ജോയ്ആലുക്കാസ് രാജ്യത്തുടനീളമുള്ള ഷോറൂമുകളിൽ രക്തദാന ക്യാംപ് സംഘടിപ്പിച്ചു. ജോയ്ആലുക്കാസ് ഗ്രൂപ്പ് കോർപ്പറേറ്റ് ഓഫീസിൽ ചെയർമാൻ ഡോ. ജോയ് ആലുക്കാസ് ക്യാംപിന്റെ ഉദ്ഘാടനം നിർവഹിച്ചു. ആളുകൾക്ക് ഏറ്റവും ലളിതമായി ചെയ്യാൻ കഴിയുന്ന മഹത്തരമായ ജീവകാരുണ്യ പ്രവൃത്തിയാണ് രക്തദാനമെന്നും അനേകായിരം പേർക്ക് ആശ്വാസമാകുന്ന രീതിയിൽ ഇന്ത്യയിലുടനീളം ക്യാംപ് സംഘടിപ്പിക്കാൻ കഴിഞ്ഞതിൽ സന്തോഷമുണ്ടെന്നും ഡോ. ജോയ് ആലുക്കാസ് പറഞ്ഞു. ജോയ്ആലുക്കാസ് ഗ്രൂപ്പിന്റെ സിഎസ്ആർ വിഭാഗമായ ജോയ്ആലുക്കാസ് ഫൗണ്ടേഷനാണ് രക്തദാന ക്യാംപിന് നേതൃത്വം നൽകിയത്. ചടങ്ങിൽ ഇന്ത്യൻ മെഡിക്കൽ അസോസിയേഷൻ ബ്ലഡ് ബാങ്ക് ഡയറക്ടർ ഡോ. ഗോപിനാഥ്, ജില്ലാ കൺവീനർ ഡോ. ജോസഫ് ജോർജ്, ജോയ്ആലുക്കാസ് ഗ്രൂപ്പ് ഡയറക്ടർ ജോളി ജോയ് ആലുക്കാസ്, മുതിർന്ന ഉദ്യോഗസ്ഥർ എന്നിവർ പങ്കെടുത്തു.
Photo caption:
ലോക രക്തദാന ദിനത്തോടനുബന്ധിച്ച് ആഗോള ജ്വല്ലറി ഗ്രൂപ്പായ ജോയ്ആലുക്കാസ് കോർപ്പറേറ്റ് ഓഫീസിൽ സംഘടിപ്പിച്ച രക്തദാന ക്യാംപിന്റെ ഉദ്ഘാടനം ജോയ്ആലുക്കാസ് ഗ്രൂപ്പ് ചെയർമാൻ ഡോ. ജോയ് ആലുക്കാസ് നിർവഹിക്കുന്നു. ഇന്ത്യൻ മെഡിക്കൽ അസോസിയേഷൻ ബ്ലഡ് ബാങ്ക് ഡയറക്ടർ ഡോ. ഗോപിനാഥ്, ജില്ലാ കൺവീനർ ഡോ. ജോസഫ് ജോർജ്, ജോയ്ആലുക്കാസ് ഗ്രൂപ്പ് ഡയറക്ടർ ജോളി ജോയ് ആലുക്കാസ്, മുതിർന്ന ഉദ്യോഗസ്ഥർ എന്നിവർ സമീപം.
Julie John
