കയര്മേഖലയിലെ പ്രതിസന്ധി പരിഹരിക്കാന് അടിയന്തിര നടപടികളെന്ന് രമേശ് ചെന്നിത്തല പഠിച്ചു റിപ്പോര്ട്ട് നല്കാന് ഉന്നത തല സമിതിയെ ചുമതലപ്പെടുത്തി
കയര്മേഖലയിലെ പ്രതിസന്ധി പരിഹരിക്കാന് അടിയന്തിരനടപടികള് കൈക്കൊള്ളുമെന്ന് വകുപ്പിന്റെ ചുമതലയുള്ള ആഭ്യന്തരമന്ത്രി രമേശ് ചെന്നിത്തല വ്യക്തമാക്കി. മന്ത്രിയുടെ നേതൃത്വത്തില് നടന്ന കയര് മേഖലയിലെ വിവിധ സ്ഥാപനമേധാവികളുടെയും ഉന്നത ഉദ്യോഗസ്ഥരുടെയും , തൊഴിലാളി യൂണിയന് നേതാക്കളുടെയും യോഗത്തിലാണ് ഈ തിരുമാനമുണ്ടായത്. കയര് മേഖലയിലെ നിലവിലെ പ്രതിസന്ധി പഠിച്ച് റിപ്പോര്ട്ട് സമര്പ്പിക്കാന് നാലംഗ ഉന്നത തല സമിതിയെ യോഗം ചുമതലപ്പെടുത്തി. പതിനഞ്ചു ദിവസത്തിനകം സമിതി സര്ക്കാരിന് റിപ്പോര്ട്ട് സമര്പ്പിക്കും.കയര് മേഖലയിലെ വിവിധ സ്ഥാപനങ്ങളെ ലാഭത്തിലാക്കുന്നതിന് മുന്നോടിയായി അനാവിശ്യ ചിലവുകള് കര്ശനമായി നിയന്ത്രിക്കും. പുതുതായി നിയമനങ്ങള് ഉണ്ടാകില്ല.
പരമാവധി തൊണ്ടുസംഭരിക്കാനും, ചകരിച്ചോര് ഉല്പ്പാദനം വര്ധിപ്പിച്ച് ചകരിച്ചോര് ബ്രിക്സ് കയറ്റുമതി വര്ധിപ്പിക്കാനുള്ള ശ്രമങ്ങളുണ്ടാകും. നിലവിലുള്ള ഡീഫൈബറിംഗ് മെഷീനുകള് കേടുപാടുകള് തീര്ത്ത് പരമാവധി ഉപയോഗിക്കാനും ശ്രമിക്കും. . കയര് ഉല്പ്പന്നങ്ങള് സംഭരിച്ചതില് സംഘങ്ങള്ക്ക് കൊടുക്കേണ്ട പണം വലിയ തോതില് കുടിശികയായിരിക്കുകയാണെന്നും അത് ഉടന് കൊടുത്തുതീര്ക്കണമെന്നും തൊഴിലാളി യൂണിയന് നേതാക്കളും ചെറുകിട ഉല്പ്പാദകരുടെ അസോസിയേഷനും ആവശ്യപ്പെട്ടു. കൂലി വര്ധനയടമുള്ളവ ഉണ്ടായാല് മാത്രമേ ഈ മേഖയിലെ പ്രതിസന്ധി പരിഹരിക്കാന് കഴിയുകയുള്ളുവെന്നും വിവിധ തൊഴിലാളി യൂണിയന് നേതാക്കള് മന്ത്രിയെ അറിയിച്ചു. ഇക്കാര്യത്തിലെല്ലാം അനുഭാവപൂര്ണ്ണമായ നടപടികളുണ്ടാകുമെന്ന് മന്ത്രി ഉറപ്പുനല്കി.
കയര് കയറ്റുമതി കമ്പനികളുടെ പ്രതിനിധികളുമായി മന്ത്രി തലത്തില് ചര്ച്ച നടത്തണമെന്നും നേതാക്കള് യോഗത്തില് ആവശ്യപ്പെട്ടു. കയര് മേഖലയിലെ പ്രശ്നങ്ങള് പരിഹരിക്കാന് സര്ക്കാര് പ്രതിജ്ഞാ ബദ്ധമാണെന്ന് രമേശ് ചെന്നിത്തല വ്യക്്തമാക്കി. കാലാനുസൃതമായ സാങ്കേതിക വിദ്യകളും മാര്ക്കറ്റിംഗ് തന്ത്രങ്ങളും ഉപയോഗിച്ച് കയര്മേഖലയെ പുനുരുജ്ജീവിപ്പിക്കാനുള്ള ശ്രമമാണ് സര്ക്കാര് നടത്തുന്നതെന്നും അദ്ദേഹം വ്യക്തമാക്കി.
കാപ്ഷന്
കയര്മേഖലയിലെ പ്രതിസന്ധി പരിഹരിക്കാന് കയര് വകുപ്പിന്റെ ചുമതല കൂടിയുള്ള ആഭ്യന്തര മന്ത്രി രമേശ് ചെന്നിത്തല ഓഫീസില് വിളിച്ചു കൂട്ടിയ ഉന്നത തലയോഗം
