കൊച്ചി: കൃത്യതയാർന്ന വിതരണ സംവിധാനത്തോടെ മുഴുവൻ സമയ സേവനം ഉറപ്പാക്കിയതിനാൽ മെയ് മാസത്തെ ഇന്ധന, പാചകവാതക വിൽപനയിൽ പ്രവർത്തന മികവ് രേഖപ്പെടുത്തി പൊതുമേഖലാ എണ്ണക്കമ്പനിയായ ഭാരത് പെട്രോളിയം കോർപറേഷൻ ലിമിറ്റഡ് (ബിപിസിഎൽ). പെട്രോൾ വിൽപന കഴിഞ്ഞവർഷത്തെ അപേക്ഷിച്ച് 4.29 ശതമാനം വളർച്ചയോടെ 10,50,000 മെട്രിക് ടണ്ണായി ഉയർന്നു. ഡീസൽ വിൽപന 21,00,000 മെട്രിക് ടണ്ണായി ഉയർന്നു. 6.72 ശതമാനമാണ് വർധനവ്. കാർഷിക- വ്യവസായ മേഖലയ്ക്കുപുറമെ രാജ്യത്തെ ചരക്കുനീക്കവും സജീവമായതോടെയാണ് ഇന്ധന വിൽപന ഉയർന്നത്. ഗാർഹിക-വാണിജ്യ മേഖലകളിലെ എൽപിജി വിതരണത്തിലും വളർച്ച രേഖപ്പെടുത്തി. 3.39 കോടി ഗാർഹിക സിലിണ്ടറുകളും 8.32 ലക്ഷം വാണിജ്യ സിലിണ്ടറുകളും 3.58 ലക്ഷം ചെറു സിലിണ്ടറുകളുമാണ് മെയ് മാസത്തിൽ വിതരണം ചെയ്തത്. വിപുലമായ വിതരണ സംവിധാനങ്ങളുടെ സഹായത്തോടെ രാജ്യത്തുടനീളം ഇന്ധനത്തിന്റെയും പാചകവാതകത്തിന്റെയും വിതരണം കാര്യക്ഷമമാക്കിയതായി ബിപിസിഎൽ അറിയിച്ചു.
Anu Maria Thomas
