തിരുവനന്തപുരം: അമിത ലഹരി ഉപയോഗം മൂലമുണ്ടാകുന്ന മാനസികാരോഗ്യ പ്രശ്നങ്ങളായ ‘സബ്സ്റ്റൻസ് യൂസ് ഡിസോർഡേഴ്സ്’, അതുമായി ബന്ധപ്പെട്ട കൗൺസിലിങ് ഇടപെടലുകൾ എന്നിവയെക്കുറിച്ച് ഏകദിന ശിൽപശാല സംഘടിപ്പിക്കുന്നു. കേന്ദ്ര ആരോഗ്യ കുടുംബക്ഷേമ മന്ത്രാലയത്തിന് കീഴിലുള്ള മിനിരത്ന പൊതുമേഖലാ സ്ഥാപനമായ എച്ച്എൽഎൽ ലൈഫ്കെയർ ലിമിറ്റഡിന്റെ വെൽനസ് ആൻഡ് ഹോളിസ്റ്റിക് ഡിവിഷനായ ‘എച്ച്എൽഎൽ പരിവർത്തൻ’ ആണ് ശിൽപശാല സംഘടിപ്പിക്കുന്നത്. കവടിയാറുള്ള എച്ച്എൽഎൽ പരിവർത്തൻ ഹോളിസ്റ്റിക് വെൽനസ് കേന്ദ്രത്തിൽ ജൂൺ 13 ശനിയാഴ്ച രാവിലെ 9.30 മുതൽ വൈകിട്ട് 3 വരെയാണ് ക്ലാസുകൾ. കൗൺസിലിങ് രംഗത്തെ പ്രൊഫഷണലുകൾ, വിദ്യാർഥികൾ, ലഹരിവിരുദ്ധ കാമ്പയിൻ പ്രവർത്തകർ എന്നിവർക്കായി നടത്തുന്ന ശിൽപശാലയിൽ ആദ്യം രജിസ്റ്റർ ചെയ്യുന്ന 25 പേർക്ക് മാത്രമായിരിക്കും പ്രവേശനം. മാനസികാരോഗ്യ രംഗത്തെ വർധിച്ചുവരുന്ന വെല്ലുവിളികൾ പരിഗണിച്ച്, രാജ്യത്ത് മികച്ചൊരു മാനസികാരോഗ്യ സേവന ശൃംഖലയൊരുക്കുകയാണ് എച്ച്എൽഎൽ പരിവർത്തന്റെ ലക്ഷ്യം.
താല്പര്യമുള്ളവർക്ക് https://forms.gle/WfEr3nwrtxFqv49y6 എന്ന ലിങ്ക് വഴി രജിസ്റ്റർ ചെയ്യാം. കൂടുതൽ വിവരങ്ങൾക്ക്: 9995770084,
ഇമെയിൽ: [email protected]
Anju V Nair
